Për D+

Leart Hoxha

Gazetar televiziv që nga viti 2005. Fillimisht i angazhuar në redaksinë e sportit në RTV 21, kurse që nga viti 2011 në redaksinë e lajmeve si gazetar, më pas si redaktor i edicioneve informative. Që nga shkurti 2014 deri më korrik 2020 ka qenë autor dhe moderator i emisionit te debatit CLICK. Aktualisht është Kryeredaktor në ATV, ku punon që nga fillimi i transmetimit të këtij televizioni dhe autor e moderator i emisionit CONTEXT. Është fitues disa bursave ndërkombëtare për gazetari. Anëtar i Bordit të Federatës së Basketbollit te Kosovës, fillimisht në periudhën 2012-2014. Më pas Sekretar i Përgjithshëm i FBK-së, në periudhën shtator 2014 – shkurt 2017. Që nga shkurti 2017, sërish anëtar i Bordit të FBK-së. Është bashkë autor i aplikacionit të FBK-së për anëtarësim në FIBA. Në mandatin 2021 – 2024 është zgjedhur edhe Kryetar i Këshillit Mbikëqyrës të Komitetit Olimpik të Kosovës.

Refki Morina

Refkiu është i diplomuar për gjuhë gjermane në Universitetin e Prishtinës. Pas një përvoje pesë vjeçare në gazetari para dhe pas luftës në Kosovë, ai i është bashkangjitur Fondacionit Ndërkombëtar për Sisteme Zgjedhore (IFES) si koordinator i projektit. Që nga viti 2000 ai ka punuar për organizata të ndryshme ndërkombëtare si IFES, CARE dhe Instituti Ndërkombëtar për Komunitete të Qëndrueshme (ISC). Krahas detyrave tjera në menaxhim të projekteve, Refkiu ka qenë drejtpërsëdrejti i angazhuar në monitorim të progresit dhe vlerësim të arritjeve të projekteve kundrejt rezultateve dhe objektivave të vendosura. Që nga viti 2010 ai punon si konsulent i pavarur dhe është i përfshirë në identifikimin e fushave me prioritet dhe në shkrim të propozimeve për projekte dhe plane të biznesit. Fushat kryesore të tij për zhvillim të projekteve shtrihen nga rritja ekonomike, fuqizimi i shoqërisë civile dhe përmirësimi i parimeve demokratike.

Diella Rugova Begolli

Diella është juriste me përvojë të gjatë profesionale në fushën e zhvillimit ekonomik dhe sundimit të ligjit në Kosovë. Aktualisht punon si këshilltare ligjore në Crimson Capital (USAID – Partneritetet për Zhvillim) në çështjet e ndërlidhura me legjislacionin e ndërtimit, rregullimin e energjisë elektrike si dhe tregtisë së brendshme dhe të jashtme. Përvoja e punës së mëparshme përfshinë konsulencë në organizata të ndryshme në fushën e draftimit ligjor, të drejtën kontraktuale, çështjet e zhvillimit të mjedisit afarist dhe përmbarimin e vendimeve gjyqësore. Diella mori titullin Magjistër i Drejtësisë (LL.M.) me fokus në të Drejtën Ndërkombëtare Komerciale nga Universiteti i Pittsburgh-ut në Sh.B.A., kurse titullin Bachelor i Drejtësisë (LL.B.) nga Universiteti i Prishtinës. Përveç gjuhës amtare, Diella është e rrjedhshme në gjuhën Angleze dhe Boshnjake/Kroate/Serbe dhe pjesërisht në gjuhën Gjermane dhe Turke.

Valmir Ismaili

Valmiri është bashkëthemelues i Demokraci Plus (D+). Ai ka mbaruar studimet master për Administrim Publik në Shkollën e Biznesit “Stuart” të “Illinois Institut of Technology”. Paraprakisht ai ka shërbyer si Koordinator i Sekretariatit të Demokracisë në Veprim (DnV), rrjetin më të madh për monitorim të zgjedhjeve në Kosovë. Për disa vite me radhë ai ka punuar për organizata të ndryshme joqeveritare (OJQ) në Kosovë, përfshirë Institutin Demokratik të Kosovës (KDI), Demokracinë për Zhvillim (D4D), Projektin mbi Marrëdhëniet Etnike (PER) dhe Institutin Kosovar Hulumtim dhe Zhvillim të Politikave (KIPRED). Valmiri ka një përvojë të gjatë pune me zgjedhjet dhe partitë politike. Ai ka qenë i angazhuar në monitorimin e performancës së autoriteteve të nivelit qendror, me fokus të veçantë në Kuvendin e Kosovës dhe Komisionin Qendror të Zgjedhjeve (KQZ), rritjen e pjesëmarrjes së qytetarëve në politikë-bërje dhe fuqizimin e OJQ-ve lokale dhe të nivelit qendror. Zgjedhjet, partitë politike dhe rritja e pjesëmarrjes qytetare në politikë-bërje janë prioritet në fushat e tij të interesit.

Drejtor Ekzekutiv
[email protected]

Gani Asllani

Ganiu ka përfunduar studimet për Makineri në Universitetin e Prishtinës. Para se t’i bashkohej D+, ai ka qenë menaxher i Financave dhe Administratës në Qendren e Trajnimeve dhe Burimeve për Avokim (ATRC), ku është marrë me menaxhimin financiar në përgjithësi, hartimin e planeve buxhetore dhe rregulloreve financiare veçanërisht menaxhimin financiar të mbi 100 OJQ-ve partnere të ATRC-së përmes projekteve të financuara nga USAID. Si trajner dhe konsulent me përvojë në këtë fushë, ai ka dhënë kontribut në zhvillimin e moduleve të trajnimeve dhe ofrimin e shërbimeve për ndërtimin e kapaciteteve në fushën e menaxhimit të financave për OJQ lokale dhe ndërkombëtare. Ganiu ka mbi njëzet vite përvojë në sektorin e shoqërisë civile në Kosovë, ku ka punuar për organizata të ndryshme si: The Forum, East West Management Institute, si dhe ofruar konsulencë për KOD, PIPS, D4D, BIRN, IKS, GAP, CNVP dhe OJQ të tjera lokale dhe ndërkombëtare.

Drejtor i Financave dhe i Administratës
[email protected]

Albert Krasniqi

Alberti ka përfunduar studimet për Filozofi në Universitetin e Prishtinës. Para se t’i bashkohej D+, ai ka qenë menaxher i programit në Fondacionin e Uestminsterit për Demokraci (WFD), ku është marrë me përkrahjen e partive politike në Kosovë në fushën e demokratizimit dhe zhvillimit të kapaciteteve të brendshme. Alberti ka mbi dhjetë vite përvojë në sektorin e shoqërisë civile në Kosovë, ku ka punuar për organizata të ndryshme si Instituti Demokratik i Kosovës (KDI) dhe Instituti Kosovar për Kërkime dhe Zhvillime të Politikave (KIPRED). Gjatë kësaj kohe, ai është marrë me monitorimin e punës së Kuvendit të Kosovës, por edhe të përkrahjes në ndërtimin e kapaciteteve të Kuvendit. Përmes projektit të USAID, ai ka përkrahur komisionet parlamentare përmes ofrimit të hulumtimeve të jashtme, si dhe ka qenë pjesë e ekipit të KIPRED në ofrimin e përkrahjes për themelimin dhe fuqizimin e Komisionit për Mbikëqyrjen e Financave Publike. Për katër vite, ka udhëhequr me sekretariatin e koalicionit të organizatave vendore për vëzhgimin e zgjedhjeve “Demokraci në Veprim”.

Drejtor i Programeve
[email protected]

Roberta Osmani

Roberta ka mbaruar studimet master për politika publike në School of Public and Environmental Affairs të Indiana University, me drejtimet Analiza të Politikave Publike dhe Zhvillim Ndërkombëtar. Ajo është bursiste e Transformational Leadership Program të USAID. Gjatë studimeve në SHBA, Roberta ka qenë asistente për lëndën e statistikës, dhe përfaqësuese e studentëve ndërkombëtar në Asociacionin e Studentëve të Magjistraturës. Roberta ka eksperienca profesionale në punën me institucionet e nivelit qendror, ku ka qënë e angazhuar si këshilltare e jashtme përmes Capacity Development Facility. Gjithashtu ajo ka punuar si konsulente për organizata jo-qeveritare me fushëveprim ndërkombëtar. Ajo ka eksperiencë me punën me komunitete minoritare në Kosovë dhe ka qenë pjesë e ekipës për draftimin e Strategjisë për Komunitete dhe Kthim 2014- 2018, dhe Planit të Veprimit për implementimin e saj 2014-2016. Fushat e interesit profesional të saj janë analizat e politikave publike, në vecanti vlerësimi kuantitativ i impaktit të programeve publike të nivelit qendor dhe lokal të qeverisjes. Kryesisht hulumton politikat fiskale dhe shoqërore, përkatësisht sistemet tatimore në vendet në zhvillim, si dhe luftimin e varfërisë dhe korrupsionit.

Hulumtuese e Lartë
[email protected]

Visar Rushiti

Visar Rushiti është Analist i Politikave në Demokraci Plus (D+). Paraprakisht ai ka punuar si Analist i Politikave në Institutin GAP. Para se t’i bashkohet sektorit të shoqërisë civile, ai ka punuar në Qeverinë e Kosovës, fillimisht në Zyrën për Siguri Publike (2005-2007) dhe Qendrën e Situatave (2007-2009) të Zyrës së Kryeministrit, e më pas në Sekretariatin e Këshillit të Sigurisë së Kosovës (2009-gusht 2012). Gjatë vitit vitit 2012 ai ka marrë pjesë në programin e ‘Fondit Evropian për Ballkanin’ dhe ka kryer praktikën e punës në Ministrinë Federale të Punëve të Brendshme dhe Akademinë e Mbrojtjes në Austri. Ai mban titujt Baçelor në Shkencat Politike nga Universiteti i Prishtinës (2001-2005), Master në Studime Profesionale nga Instituti për Teknologji i Roçesterit dhe Universiteti Amerikan në Kosovë (2009-2010) dhe Master në Studime Evropiane nga Qendra Ndërkombëtare për Studime Evropiane dhe Akademia Evropiane për studime në distancë (2009-2011).

Analist i Politikave
[email protected]

Albana Rexha

Dr. Albana Rexha iu bashkua organizatës sonë në shtator 2020 si Analiste e Lartë e Politikave Publike. Albana mban titullin Doktor i Shkencave nga Universiteti i Evropës Juglindore në Maqedoninë Veriore dhe ka qenë pjesë e programit të doktoraturës si vizitore në Universitetin e Evropës Qendrore (CEU) në Hungari dhe Shkollën e Politikave Publike Willy Brandt në Gjermani. Ajo ka mbaruar studimet Master në Politika Publike në CEU dhe studime themelore në Universitetin Amerikan në Kosovë. Albana është fituese e disa çmimeve dhe bursave prestigjioze përfshirë grantin afatshkurtër DAAD, Civil Society Scholar Award OSF, Bursën e Universitetit të Evropës Qendrore, Bursën e Zhvillimit Profesional të të Rinjëve OSF, Bursën e Ekselencës në AUK, Bursën e Fondacionit IPKO dhe ka qenë e zgjedhur si student speaker e gjeneratës. Albana ka mbi dhjetë vjet përvojë profesionale në cilësinë e analistes së lartë të politkave, menaxheres së lartë të projekteve, trajneres, këshilltares dhe koordinatores nacionale në organizata qeveritare dhe jo-qeveritare. Ajo aktualisht është edhe profesoreshë e administrates publike dhe integrimit gjinor në politika publike në UBT. Puna e saj përqëndrohet në qeverisjen e mirë, administratën publike, barazinë gjinore dhe politikat mjedisore në kontekst të Integrimit Evropian. Ajo është gjithashtu përgjegjëse për kontrollin e cilësisë dhe monitorimin dhe vlerësimin e projekteve të ndryshme brenda organizatës.

Analiste e Lartë e Politikave Publike
[email protected]

Debora Peci

Debora Peci është Menaxhere e Projekteve në programin për Qeverisje të Mirë në Demokraci Plus. Ajo ka përfunduar studimet për Shkencë Politike në Universitetin e Prishtinës. Ajo iu bashkua D+ si praktikante në vitin 2017 dhe prej asaj kohe ka qenë pjesë e programit të Qeverisjes së Mirë. Gjatë kësaj kohe, ajo është përqendruar në qeverisjen lokale, duke punuar drejt rritjes së transparencës dhe angazhimit të qytetarëve në të gjitha komunat në Kosovë. Përpjekja e saj kryesore ka qenë rritja e aktivizmit të qytetarëve përmes platformës online ndreqe.com. Në mes tjerash, Debora ka qenë bursiste e SAYP - Swedish Academy for Young Professionals, si dhe ka qenë pjesëmarrëse në Akademinë Politike të organizuar nga FES, Akademinë e Dialogut të organizuar nga Misioni i OSBE-së në Kosovë dhe Shkollën Politike të organizuar nga PIPS.

Menaxhere e Projekteve
[email protected]

Elira Salihu

Elira është Koordinatore e Projekteve për Aktivitetin e Kontratës Sociale të USAID-it. Ajo ka marrë titullin Bachelor në Shkenca Politike nga Universiteti i Prishtinës, ndërsa aktualisht ndjek studimet Master në “Integrime Evropiane dhe Administratë Publike”, në të njëjtin institucion. Përgjatë rrugëtimit të saj akademik, Elira ka marrë pjesë aktive në shumë organizata lokale e ndërkombëtare, si TOKA, Helvetas Swiss Cooperation Kosovo, Kosovalive, si dhe Open Data Kosovo. Angazhimi i saj është përqendruar kryesisht në të drejtat e njeriut, qytetarinë aktive, si dhe pushtetin lokal. Elira është vlerësuar si diplomante e Institutit Suedez të Profesionistëve të Rinj (SAYP) si dhe diplomate me Bursën Futuregov nga Qendra për Inovacion në Politika (CPI). Përgjatë këtyre përvojave, ajo ka fituar perspektiva të çmueshme mbi metodat novatore të hartimit të politikave publike dhe qeverisjes bashkëpunuese në epokën digjitale.

Koordinatore e Projekteve
[email protected]

Donika Ahmetaj

Donika u bë pjesë e ekipit të D+ në mars të vitit 2022 si Praktikante. Aktualisht është Asistente e Projekteve në programin për Qeverisje të Mirë. Ajo ka përfunduar studimet në Fakultetin Juridik në Universitetin e Prishtinës. Para se t’i bashkohej D+, Donika ka qenë e angazhuar në organizata të ndryshme të shoqërisë civile, përfshirë Initiative for Justice and Equality (INJECT), Advocacy for Training and Resource Center (ATRC), dhe Youth Initiative for Human Rights (YIHR). Gjatë kësaj periudhe, ajo është marrë me hulumtimin dhe monitorimin e rasteve të krimeve të urrejtjes, të dhunës në familje, si dhe monitorimin direkt të drejtësisë procedurale në Gjykatën Themelore të Prishtinës. Donika gjithashtu ka qenë pjesë e programit të praktikës me OSBE-në, ku është angazhuar në Ministrinë e Administrimit të Pushtetit Lokal, dhe ka monitoruar punën e organeve lokale. Fushat e saj të interesit janë Sundimi i Ligjit dhe Qeverisja e Mirë. Në D+ është e angazhuar në hulumtim të praktikave demokratike që nxisin transparencën dhe llogaridhënien në qeverisje lokale. Donika ndihmon në projektet që kanë për qëllim avancimin e pjesëmarrjes qytetare në politikë-bërje, me fokus të veçantë në fuqizimin e të rinjve dhe grupeve të margjinalizuara në shoqëri.

Asistente e Projekteve
[email protected]

Ardit Dragusha

Arditi është Hulumtues në Demokraci Plus, në programin e Sundimit të Ligjit, me fokus të veçantë te monitorimi i prokurimit publik. Arditi ka përfunduar studimet e nivelit baçelor në Fakultetin Juridik në Universitetin e Prishtinës. Para se t’i bashkohej D Plusit, ai ka punuar si gazetar duke mbuluar ngjarjet politike vendore dhe ndërkombëtare.

Hulumtues
[email protected]

Egzona Kozhani

Egzona është Hulumtuese në Demokraci Plus (D+). Ekipit të Demokraci Plus iu bashku në tetor të vitit 2018. Ajo është pjesë e programit të Sundimit të Ligjit, ku në baza ditore bën monitorimin e prokurimit publik. Para se t’i bashkohej D+, ajo ka fituar përvojë në organizata tjera të shoqërisë civile dhe institucione të Kosovës. Egzona ka përfunduar studimet baçelor dhe master në Universitetin e Prishtinës, Fakulteti Juridik - Financiar. Ndërsa një pjesë të studimeve të saj i ka vijuar edhe në Sapienza - Universiteti i Romës. Fushat e saj të interesit janë menaxhimi i parasë publike dhe politikat fiskale.

Hulumtuese
[email protected]

Diell Haxhimusa

Dielli mban pozitën e Koordinatorit të Programit Recycling Matters Activity – Graçanica/Gracanicë. Ai ka mbaruar studimet për Shkenca Politike në Universitetin e Prishtinës dhe është në përfundim të studimeve master në drejtimin Administrimi Publik në Universitetin e Evropës Juglindore (SEEU), ku një pjesë të studimeve e ka ndjekur në Universitetin e Lubjanës në Fakultetin e Shkencave Sociale (FDV). Para se t’i bashkohet D+, ka qenë i angazhuar si Hulumtues, Monitorues dhe Asistent Projekti në organizata të ndryshme të shoqërisë civile në Kosovë, përfshi Iniciativën për Progres (INPO), Institutin Ballkanik të Politikave (IPOL) dhe Demokracinë për Zhvillim (D4D), ku ka dhënë kontribut në fushën e monitorimt të prokurimit publik, rritjes së pjesëmarrjes qytetare në politikë-bërje, ngritjës së transparencës dhe luftimit të korrupsionit. Dielli është i përqëndruar në menaxhimin e mirë të financave publike, transparencës dhe llogaridhënies si dhe rritjes se kohezionit socio-ekonomik të grupeve të margjinalizuara.

Koordinator i Projektit
[email protected]

Liridon Elshani

Liridoni ka përfunduar studimet në Shkencat Politike në Universitetin e Prishtinës. Gjatë kohës së studimeve, në kapacitete të ndryshme, ka qenë i angazhuar në organizata të ndryshme si NDI, KIPRED, MAM. Liridoni iu bashkua D+ në janar të vitit 2019. Ai është i angazhuar në projektet që kanë të bëjnë me parandalimin e ekstremizmit të dhunshëm.

Hulumtues
[email protected]

Marigona Berisha

Marigona është Monitoruese e Gjykatës për projekte që promovojnë procedurat e të drejtave administrative për qytetarët dhe bizneset. Ajo ka filluar punën në D+ në nëntor të vitit 2022. Fusha e saj specifike përqendrohet rreth sundimit të ligjit, qeverisjes së mirë dhe administratës publike, ku ajo punon në mënyrë aktive për të përmirësuar transparencën, llogaridhënien dhe efikasitetin në institucionet qeveritare. Ka përfunduar studimet për Gazetari në Universitetin e Prishtinës. Para se t'i bashkohej D + ka shërbyer si Këshilltare Politike dhe Këshilltare për Media në Qeverinë e Kosovës. Veç kësaj, për një periudhë të shkurtër ka punuar edhe si gazetare në një gazetë tradicionale. Përkushtimi i Marigonës në rritjen profesionale reflektohet edhe në angazhimin e saj në programe dhe trajnime të ndryshme në të gjithë Evropën, të cilat e kanë ndihmuar atë të formojë dhe zhvillojë aftësitë në fusha të përgjithshme.

Monitoruese e Gjykatës/Zyrtare e Projekteve
[email protected]

Emir Abrashi

Emiri është Analist i Politikave në Programin e Qeverisjes së Mirë në Demokraci Plus. Ai ka përfunduar studimet master për Çështje Publike Ndërkombëtare në Universitetin e Europës Qëndrore, ndërsa ato bachelor në Komunikim Strategjik në Universitetin e Abu Dhabit. Në D+, Emiri sjellë një përvojë relativisht të gjatë institucionale dhe ndërkombëtare. Ai ka shërbyer për dy vjet si Këshilltar në Ministrinë e Punëve të Jashtme të Republikës së Kosovës, ku është marrë me pjesën e korrespondencës dhe komunikimit zyrtar, si dhe me reformat brenda Shërbimit të Jashtëm. Paraprakisht, Emiri ka qenë i involvuar në procesin e lobimit dhe themelimit të Ambasadës së Republikës së Kosovës në Abu Dhabi, ku ka shërbyer si Këshilltar i Shefit të Misionit. Në Abu Dhabi, ka shërbyer edhe si konsulent i komunikimit për Çmimin Zayed për Energji të Ripërtëritshme, organizatë jo-profitabile nën patronatin e Princit të Kurorës së Abu Dhabit. Ndërsa, më herët ka shërbyer për tre vjet si Bashkëpunëtor i Jashtëm në Kabinetin e Presidentes së Republikës së Kosovës.

Analist i Politikave
[email protected]

Krenare Rushiti

Krenarja është Hulumtuese në programin për Qeverisje të Mirë në Demokraci Plus. Ajo mban titullin master në ‘Studime Evropiane dhe Administratë Publike’ nga Universiteti i Prishtinës “Hasan Prishtina”. Para se të bashkohej me ekipin e D+, Krenarja ka qenë e angazhuar në organizata tjera të shoqërisë civile me fokus në monitorimin e punës së kuvendit, ka qenë anëtare e Kuvendit të të Rinjve të Kosovës, si dhe ka ndjekur trajnime rreth digjitalizimit të shërbimeve lokale, zhvillimit të ueb faqeve etj. Ekipit të D+ Krenarja iu bashkua në vitin 2020, përgjatë kësaj periudhe ka qenë e angazhuar në monitorimin e zbatimit të ligjeve dhe hulumtimin rreth çështjeve që kanë të bëjnë kryesisht me qeverisjen e mirë. Fushat e saj të interesit janë administrata publike, partitë politike dhe zgjedhjet.

Hulumtuese
[email protected]

Hazir Isufi

Haziri është koordinator i terrenit në D+. Ai iu bashkua organizatës sonë në shkurt të vitit 2017 dhe punon në projektet e qeverisjes lokale. Haziri ka ndjekur studimet në drejtimin Informatikë inxhinierike (2002-2005) në UP. Para se të bashkëngjitej në D+, ai ka punuar si asistent në trajnimet kompjuterike të MS Office në Microsoft Inc në Mitrovicë për European Computer Passport – Xpert si dhe në ndërmarrje të ndryshme private në krijimin e programeve për kontabilitetin financiar dhe menaxherial.

Koordinator i Terrenit
[email protected]

Erëza Qorri

Erëza u bë pjesë e ekipit të D+ në shkurt të vitit 2023 si Praktikante. Aktualisht është Asistente e Projekteve në programin për Qeverisje të Mirë. Erëza është në vitin e fundit të studimeve në Fakultetin e Filologjisë – Departamenti për Gazetari në Universitetin e Prishtinës. Para se t’i bashkohej D+ ka qenë e angazhuar si praktikante në Komunën e Drenasit në zyrën për komunikim dhe informim. Fushat e saj të interesit janë Sundimi i Ligjit dhe Qeverisja e Mirë. Në D+ është e angazhuar në hulumtim të praktikave demokratike që nxisin transparencën dhe llogaridhënien në qeverisje lokale. Erëza ndihmon në projektet që kanë për qëllim avancimin e pjesëmarrjes qytetare në politikë-bërje, me fokus të veçantë në fuqizimin e të rinjve dhe grupeve të margjinalizuara në shoqëri.

Asistente e Projekteve
[email protected]

Sijeta Jashari

Sijeta u bë pjesë e ekipit të D+ në mars të vitit 2023 si Praktikante, ndërsa aktualisht është Asistente e Financave dhe Administratës. Ajo ka përfunduar studimet në Fakultetin Ekonomik, Kolegji UBT në Prizren. Para se t’i bashkohej D+, Sijeta ka bërë praktikë për kontabilitet, financa dhe auditim në biznese që merren me financa dhe kontabilitet në Prishtinë. Sijeta ndihmon në menaxhimin financiar, në detyrat ditore financiare si dhe ndihmon në pjesët tjera administrative, sipas nevojave të organizatës.

Asistente e Financave dhe Administratës
[email protected]

Valentina Aliu

Valentina është Koordinatore e Terrenit për komunën e Obiliqit në kuadër të programit të USAID-it "Kontrata Sociale". Valentina ka përfunduar studimet në programin Psikologji e Përgjithshme në Kolegjin Fama në Prishtinë. Aktivizmin e saj në shoqëri civile e ka filluar në Këshillin e Veprimit Rinor Lokal në Komunën e Obiliqit, gjithashtu ka punuar si Mentore e Programit për Vullnetarizmin Edukativ në OJQ TOKA.

Koordinatore e Terrenit
[email protected]

Hamëz Makiqi

Hamëza është Koordinator i Terrenit për komunën e Vushtrrisë në kuadër të programit të USAID-it “Kontrata Sociale”. Ka përfunduar studimet në drejtimin për Punë Sociale në Universitetin e Prishtinës. Hamëza ka punuar si Operator për mbledhjen e të dhënave në terren me organizatën UN-Habitat, dhe me UNDP si Zyrtar për shërbime sociale në Qendrën për Punë Sociale në Vushtrri.

Koordinator i Terrenit
[email protected]

Loresa Sahiti

Loresa Sahiti është Koordinatore e Terrenit për komunën e Vitisë në kuadër të programit të USAID-it “Kontrata Sociale”. Studion në Universitetin e Prishtinës në Departamentin e Gjeografisë. Loresa ka qenë e angazhuar si vullnetare dhe praktikante në disa projekte të USAID-it. Ajo ka udhëhequr iniciativa lokale për të rinj, të dedikuara për ndryshime pozitive në komunitet përmes programit të USAID-it Up to Youth. Poashtu, ka punuar në Ubo Consulting dhe në organizata rinore lokale.

Koordinatore e Terrenit
[email protected]

Erëza Vladi

Erëza Vladi është Koordinatore Lokale për Aktivitetin e Kontratës Sociale të USAID-it për komunën e Ferizajt. Ajo është në proces të përfundimit të Masterit në “Të drejtë civile dhe e Pronës”, në Kolegjin UBT, ku së fundmi ishte pjesë e Konferencës Ndërkombëtare për Shkencë, Teknologji dhe Inovacion, e cila u prezantua si bashkëautore e punimit shkencor me titull “Mënyrat e fitimit te pronësisë në Republikën e Kosovës”. Erëza ka qenë e angazhuar në projekte të ndryshme edhe si hulumtuese juridike me DOTS-në dhe “SHOQATA KOSOVARE PËR ZHVILLIM DHE INOVACION, (SHKZH

Koordinatore e Terrenit
[email protected]

Alisa Bekteshi

Alisa është Koordinatore lokale për Komunën e Gjilanit në Aktivitetin e USAID-it për Kontratën Sociale. Ajo ka kryer studimet bazë (bachelor) në fushën e edukimit, si mësimdhënëse fillore në Universitetin e Gjilanit, ndërsa aktualisht është duke punuar në studimet Master në Komunikime Masive dhe Gazetari në Kolegjin AAB. Që nga mosha rinore, Alisa ka qenë pjesë e aktiviteteve vullnetare që kanë bërë bashkë grupe shumetnike, si programe shkollore, artistike e rinore. Interesat e saj përfshijnë fuqizimin e rinisë, barazinë gjinore, ambientet mësimore për pakicat, si dhe përfshirja e qytetarëve aktivë.

Koordinatore e Terrenit
[email protected]

Nikollë Nue

Nikollë është Koordinator i Terrenit për komunën e Gjakovës në kuadër të programit të USAID-it “Kontrata Sociale”. Ka përfunduar studimet në drejtimin Gjuhë dhe Letërsi Shqipe në Universitetin e Gjakovës. Nikollë ka kontribuar si vullnetar në formën qeverisëse famulli dhe është marrë me aktivizëm në iniciativa qytetare. Fushat e tij të interesit janë demokratizimi i shoqërisë, qeverisja e mirë, transparenca dhe llogaridhënia.

Koordinator i Terrenit
[email protected]

Linda Simitçiu

Linda është Koordinatore lokale për Komunën e Prizrenit në kuadër të Aktivitetit të USAID-it për Kontratën Sociale. Linda ka studiuar për Lidership dhe Punë rinore në komunitet. Linda ka pesëmbëdhjetë vjet përvojë pune si menaxhere projektesh, si dhe ka punuar si punëtore e rinisë në disa projekte në ISDY (Instituti për Qëndrueshmëri e Zhvillim të Rinisë, Qendra Rinore SHL Kosova, Nevo Concept). Linda po ashtu ka përvojë në hartimin e politikave rinore, hulumtim e projekte mjedisore.

Koordinatore e Terrenit
[email protected]