Përfaqësues të Demokraci Plus u takuan me nënkryetarin e komunës së Fushë Kosovës, z. Fadil Krasniqi, dhe shefin e Drejtorisë së Shërbimeve Publike dhe Mjedisit, z. Ejup Qyqalla, me ç’rast u nënshkrua Memorandumi i Mirëkuptimit për ndreqe.com. Ky memorandum rregullon bashkëpunimin e kësaj komune me Demokraci Plus për platformën ndreqe.com.
Memorandumi i nënshkruar me 27 Prill 2022 është vazhdim i bashkëpunimit të mëhershëm të D+ me komunën e Fushë Kosovës, përmes të cilit rregullohet adresimi i ankesave të qytetarëve të Fushë Kosovës për përmirësimin e shërbimeve publike në lagje dhe në fshatra. Ndreqe.com do të përdoret për komunikim konstruktiv e nxitje të angazhimit qytetar për të zgjidhur kërkesat dhe ankesat e shtruara përmes platformës, si dhe informimin e qytetarëve për veprimet e ndërmarra nga komuna pas pranimit të ankesave në platformë.
Ndreqe.com u mundëson qytetarëve të raportojnë kërkesat dhe ankesat e tyre në këto kategori: mbeturina (1), ujëra të zeza (2), gropë n’rrugë (3), trotuar i dëmtuar (4), ndriçim publik (5), shenja të rrugës (6), dhe çfarëdo kërkese tjetër që ka të bëjë me shërbimet publike në nivel komunal.
Aktualisht, përmes “Ndreqe komunitetin me ndreqe.com” Demokraci Plus ka targetuar komunat e Obiliqit, Fushë Kosovës dhe Vushtrrisë për të ngritur përdorimin e shërbimeve online nga qytetarët, si dhe të rrisë reagimin e komunave.
“Ndreqe komunitetin me ndreqe.com“, është pjesë e projektit ICEDA, i cili bashkëfinancohet nga Bashkimi Evropian, dhe implementohet nga Metamorphosis Foundation (Maqedoni Veriore), e-governance Academy (Estoni), CRTA – Center for Reseach, Transparency, and Accountability (Serbi), NGO 35 mm (Mali i Zi), Open Data Kosovo (Kosovë) dhe Lëvizja Mjaft (Shqipëri).
Përfaqësues të Demokraci Plus u takuan me kryetarin e komunës së Vushtrrisë, z. Ferit Idrizi, si dhe drejtoreshën e Drejtorisë për Adminsitratë, znj. Hava Mlinaku, me ç’rast u nënshkrua Memorandumi i Mirëkuptimit për ndreqe.com. Ky memorandum rregullon bashkëpunimin e kësaj komune me Demokraci Plus për platformën ndreqe.com.
Memorandumi i nënshkruar me 13 Prill 2022 është vazhdim i bashkëpunimit të mëhershëm të D+ me komunën e Vushtrrisë, përmes të cilit rregullohet adresimi i ankesave të qytetarëve të Vushtrrisë për përmirësimin e shërbimeve publike në lagje dhe në fshatra. Ndreqe.com do të përdoret për komunikim konstruktiv e nxitje të angazhimit qytetar për të zgjidhur kërkesat dhe ankesat e shtruara përmes platformës, si dhe informimin e qytetarëve për veprimet e ndërmarra nga komuna pas pranimit të ankesave në platformë.
Ndreqe.com u mundëson qytetarëve të raportojnë kërkesat dhe ankesat e tyre në këto kategori: mbeturina (1), ujëra të zeza (2), gropë n’rrugë (3), trotuar i dëmtuar (4), ndriçim publik (5), shenja të rrugës (6), dhe çfarëdo kërkese tjetër që ka të bëjë me shërbimet publike në nivel komunal.
Aktualisht, përmes “Ndreqe komunitetin me ndreqe.com” Demokraci Plus ka targetuar komunat e Obiliqit, Fushë Kosovës dhe Vushtrrisë për të ngritur përdorimin e shërbimeve online nga qytetarët, si dhe të rrisë reagimin e komunave.
“Ndreqe komunitetin me ndreqe.com”, është pjesë e projektit ICEDA, i cili bashkëfinancohet nga Bashkimi Evropian, dhe implementohet nga Metamorphosis Foundation (Maqedoni Veriore), e-governance Academy (Estoni), CRTA – Center for Research, Transparency, and Accountability (Serbi), NGO 35 mm (Mali i Zi), Open Data Kosovo (Kosovë) dhe Lëvizja Mjaft (Shqipëri).
Demokraci Plus ka fasilituar tryezë diskutimi mes Ministrisë të Pushtetit Lokal dhe anëtarëve të shoqërisë civile për të diskutuar Raportin e Matjes së Performancës Komunale për vitin 2020.
Ministri i Ministrisë të Pushtetit Lokal z. Elbert Krasniqi, zyrtarë komunal, si dhe përfaqësues nga shoqëria civile, organizata vendore dhe ndërkombëtare ishin prezent në këtë takim me ç’rast u diskutuan aktivitetet e përgjithshme të matjes së performancës komunale, duke përfshirë prioritetet, sfidat dhe të arriturat sipas Raportit të Performancës Komunale për vitin 2022. Raportet individuale të performancës të komunave mund të qasen në këtë link: https://mapl.rks-gov.net/performanca-komunale/.
Gjatë këtij diskutimi Ministri z. Krasniqi duke theksuar rëndësinë e Raportit të matjes së Performancës ka përmendur se ky grant është një ndër programet kyçe të MAPL-së përmes së cilit Komunat arrijnë të fitojnë projekte bazuar në performancën e tyre. Demokraci Plus vazhdon të jetë partner i komunave të Kosovës drejt përmirësimit të performancës së tyre, si dhe vlerëson ndikimin që Granti i Performancës ka në përmirësimin e jetës të qytetarëve.
Kjo tryezë është financuar nga Olof Palme Center i mbështetur nga Qeveria Suedeze.
Demokraci Plus (D+) është në kërkim të pesë (5) koordinatorëve të terrenit për t’u angazhuar në kuadër të programit të USAID Social Contract Activity, nga një për komunat si në vijim:
Prishtinë (1)
Prizren (1)
Gjilan (1)
Suharekë (1)
Obiliq (1)
Social Contract Activity synon të mbështesë praktika të qëndrueshme për pjesëmarrje publike për përmirësim të cilësisë së jetës së qytetarëve të Kosovës dhe të fuqizojë partneritetin e tyre me qeverinë komunale. Kjo do të arrihet përmes përpjekjeve për të përfshirë qytetarët në hartimin, monitorimin dhe zbatimin e politikave dhe programeve në nivel lokal.
Përgjegjësitë e punës:
Identifikimi i grupeve të ndryshme të interesit (këshilla të veprimit rinor lokal, këshilla lokale, shoqata, organizata të shoqërisë civile, grupe jo-formale, etj.) dhe bashkëpunimi i rregulltë me përfaqësues të tyre;
Krijimi dhe mirëmbajtja e kontakteve konstruktive me grupet e interesit të cekura më lartë;
Hartimi dhe mirëmbajtja e databazës me kontaktet e udhëheqësve në komunitet;
Organizimi i takimeve të rregullta me qytetarë, përfshi grupet e interesit të cekura më lartë;
Angazhimi i qytetarëve për të identifikuar dhe zbatuar praktika efektive të pjesëmarrjes publike;
Promovimi dhe nxitja e qytetarëve për të përdorur mekanzimat ekzistues për ndërveprim me komunën, përfshirë përdorimin e platformave online, organizimin në grupe jo-formale etj.;
Përgjegjësi të tjera sipas nevojës që ndërlidhen me punën e organizimit të qytetarëve në nivel lokal.
Kriteret bazë:
Kandidati/ja duhet të jetojë në komunën për të cilën aplikon dhe duhet të jetë njohës/e i/e mirë e organizimit të komunitetit përkatës. Pozita kërkon angazhim të vazhdueshëm brenda komunës përkatëse, si dhe takime periodike në zyren kryesore të D+ në Prishtinë.
Kualifikim dhe shkathtësitë:
Të ketë përvojë paraprake me punë me qytetarë dhe komuna, në fushën e rritjes së angazhimit qytetarë në pjesëmarrje publike;
Të ketë njohuri të komunitetit të komunës përkatëse (shoqatat dhe grupet e ndryshme të interesit), në lagjet urbane dhe zonat rurale;
Të ketë aftësi të mira të komunikimit verbal dhe në të shkruar;
Të ketë të përfunduar të paktën studimet Bachelor, preferohet në ndonjërën nga shkencat sociale;
Përparësi kanë kandidatët që:
E njohin ndonjërën nga gjuhët e komuniteteve jo-shumicë që jetojnë në komunën përkatëse.
Kanë patent shofer.
Dokumentet për aplikim:
CV
Letër motivuese, ku përshkruhet përvoja e mëhershme me mobilizim të komunitetit si dhe si do të përdoret kjo përvojë në përmbushjen e suksesshme të detyrave të punës.
Orari i punës: hënë – premte, 09:00 – 17:00.
Kandidatët duhet të jenë të gatshëm t’i nënshtrohen trajnimeve profesionale në lidhje me detyrat e punës së tyre. Ata duhet të kenë vlera të larta morale dhe përgjegjësi profesionale dhe të zotohen për të shërbyer paanshëm, në përputhje me statutin dhe rregulloret e D+.
Dokumentet e kërkuara duhet të dërgohen vetëm me email, në adresën rekrutimi@dplus-ks.org, deri me datën 01.04.2022, në orën 17:00, me titull të email-it (subject line) “Koordinator për terren”. Vetëm kandidatët që hyjnë në listën e ngushtë do të ftohen në intervistë.
Përzgjedhja e kandidatëve do të bëhet duke u bazuar në një numër kriteresh, duke përfshirë përvojën e mëhershme, nivelin e njohjes së komunitetit dhe grupeve të ndryshme të interesit, aftësitë e komunikimit, dhe motivimin për punë. Rëndësi e veçantë do t’i kushtohet edhe nivelit të aktivizmit qytetarë të vet aplikuesit, si dhe motivimit për të nxitur qytetarët e tjerë për të qenë aktiv në procese politikëbërëse në nivel lokal. D+ mirëpret aplikimet e personave nga komunitetet të margjinalizuara, duke përfshirë por pa u kufizuar në personat me aftësi të kufizuara, të rinjtë, gratë, nënat vetushqyese si dhe komuniteti LGBT.
Përfaqësues të Demokraci Plus u takuan me kryetarin e komunës së Obiliqit, z. Xhafer Gashi, si dhe shefin e kabinetit të kryetarit, z. Burim Gërguri, me ç’rast u nënshkrua Memorandumi i Mirëkuptimit për ndreqe.com, i cili rregullon bashkëpunimin e kësaj komune me Demokraci Plus për platformën ndreqe.com.
Ky memorandum është vazhdimësi i bashkëpunimit të mëhershëm të D+ me komunën e Obiliqit, përmes të cilit rregullohet adresimi i ankesave të qytetarëve të Obiliqit për përmirësimin e shërbimeve publike në lagje dhe në fshatra. Ndreqe.com do të përdoret për komunikim konstruktiv e nxitje të angazhimit qytetar për të zgjidhur kërkesat dhe ankesat e shtruara përmes platformës, si dhe informimin e qytetarëve për veprimet e ndërmarra nga komuna pas pranimit të ankesave në platformë.
Ndreqe.com u mundëson qytetarëve të raportojnë kërkesat dhe ankesat e tyre në këto kategori: mbeturina (1), ujëra të zeza (2), gropë n’rrugë (3), trotuar i dëmtuar (4), ndriçim publik (5), shenja të rrugës (6), dhe çfarëdo kërkese tjetër që ka të bëjë me shërbimet publike në nivel komunal.
Aktualisht, përmes “Ndreqe komunitetin me ndreqe.com” Demokraci Plus ka targetuar komunat e Obiliqit, Fushë Kosovës dhe Vushtrrisë për të ngritur përdorimin e shërbimeve online nga qytetarët, si dhe të rrisë reagimin e komunave.
“Ndreqe komunitetin me ndreqe.com”, është pjesë e projektit ICEDA, i cili bashkëfinancohet nga Bashkimi Evropian, dhe implementohet nga Metamorphosis Foundation (Maqedoni Veriore), e-governance Academy (Estoni), CRTA – Center for Research, Transparency, and Accountability (Serbi), NGO 35 mm (Mali i Zi), Open Data Kosovo (Kosovë) dhe Lëvizja Mjaft (Shqipëri).
Demokraci Plus (D+) të martën ka mbajtur një tryezë diskutimi ku është prezantuar raporti i politikave me temën “Raport vlerësimi mbi aplikimin e drejtësisë procedurale në shtatë gjykatat themelore të Kosovës”.
Ky raport vlerëson nivelin e kënaqshmërisë së përdoruesve me shërbimet e ofruara në shtatë gjykatat themelore të Kosovë, si dhe në fund ofron një grup rekomandimesh me qëllim të përmirësimit të zbatimit të drejtësisë procedurale.
Fjalën hyrëse në këtë tryezë diskutimi e kishte Zeinah Salahi – Shefe e Misionit të USAID në Kosovë. Kurse, pjesë e panelit ishin Albulena Haxhiu – Ministre në Ministrinë e Drejtësisë, Albert Zogaj, Kryesues i Këshillit Gjyqësor të Kosovës dhe Kreshnik Gashi, Kryeredaktor i KALLXO.com Ndërkaq të gjeturat e punimit hulumtues si dhe moderimi u bë nga Albana Rexha, Analiste e Lartë e Politikave Publike në Demokraci Plus.
Krahas sugjerimeve nga panelistët pjesëmarrës, D + në këtë tryezë diskutimi shpalosi një numër të rekomandimeve duke përfshirë:
Gjykatat themelore duhet të promovojnë përdorimin e ueb-faqeve të gjykatave përmes kanaleve të ndryshme, duke përfshirë mediat sociale, kodet dhe/ose broshurat.
Gjykatat themelore duhet t’i informojnë qytetarët në mënyrë sistematike për ekzistimin e kutive të ankesave dhe mundësinë e parashtrimit të ankesave, dhe të sigurohen që ankesat do të shqyrtohen.
Të gjithë përdoruesit e shërbimeve të gjykatave duhet të njoftohen për mundësinë e parashtrimit të ankesave për shkelje disiplinore të gjykatësve.
Të gjithë gjykatësit duhet të trajnohen për rëndësinë e saktësisë së fillimit në kohë të seancave gjyqësore.
Në mënyrë që të hartohen dhe miratohen politika sa më të përshtatshme ndaj kërkesave dhe nevoja të qytetarëve, ftohen të gjithë qytetarët e Vushtrrisë që deri me datë 03.04.2022 të dërgojnë komentet, propozimet, sugjerimet dhe vërejtjet e tyre rreth draft-rregullores. Komentet mund të përcjellën në cilëndo nga këto adresa elektronike: fatmir.feka@rks-gov.net; bekim.selmani@rks-gov.net dhe remzije.zekolli@rks-gov.net. Draft-rregulloren mund ta gjeni në këtë vegëz: https://dpl.us/Draft-rregullore-Vushtrri, kurse Udhëzimin Administrativ mbi të cilin hartohet rregullorja mund ta gjeni në këtë vegëz: https://dpl.us/UA02/2019.
Pas mbylljes të afatit për dorëzimin e komenteve, grupi punues do të mblidhet të adresojë çështjet e ngritura gjatë procesit të konsultimit publik, dhe dokumenti final do të vazhdojë në Kuvend të Komunës për aprovim. Grupi punues, pjesë e të cilit është edhe Demokraci Plus do të sigurohet që versioni final i rregullores të pasqyrojë kërkesat dhe interesat e qytetarëve të komunës së Vushtrrisë.
Në këtë periudhë do të organizohen edhe takime publike me qytetarë, andaj ftoheni që të ndiqni web-faqen e komunës për njoftim: https://kk.rks-gov.net/vushtrri/.
Demokraci Plus si pjesë e Aleancës për Qytetari Aktive ka vazhduar bashkëpunimin me komunën e Vushtrrisë, Obiliqit dhe Fushë Kosovës.
Gjatë javës së kaluar, përfaqësues të Demokraci Plus u takuan me zyrtarë komunal nga këto komuna për të prezantuar planin e aktiviteteve për vitin 2022. Përmes këtyre aktivitete D+ synon që qytetarët të ngrisin zërin për kërkesat e tyre duke përdorur mekanizmat të cilët janë në vend, siç janë këshillat lokal.
Aktualisht, duke u bazuar në Udhëzimin Administrativ (MAPL) nr. 02/2019, të tre komunat janë në fazë të hartimit të rregullores për organizimin e bashkëpunimit të komunës me fshatrat, vendbanimet dhe lagjet urbane. Kështu, gjatë këtyre takimeve u aprovua kërkesa e D+ që të jetë pjesë e grupeve punuese të hartimit të këtyre rregulloreve.
Demokraci Plus do të shtyjë përpara rekomandime të cilat sigurojnë përfshirje të barabartë të qytetarëve, sidomos atë gjinor dhe etnik. Synim i D+ është që përmes kësaj rregullore të lehtësohet organizimi i qytetarëve në lagje, dhe të nxitet pjesëmarrja qytetare në procese vendimmarrëse.
Ky aktivitet u zbatua në kuadër të projektit “Qytetari Aktive dhe Komuna Përgjegjëse”, pjesë e të cilit janë organizatat Syri i Vizionit, Communication for Social Development dhe EC Ma Ndryshe, dhe përkrahet nga Olof Palme International Center.
OJQ Fortesa ne Kamenice, në bashkëpunim me Democracy Plus (D+) kanë organizuar diskutimin publik me kandidatët për Kryetar të Komunës së Kamenicës, qytetarëve dhe shoqërisë civile.
Në takim u diskutua rreth prioriteteve gjatë mandatit të ardhshëm si dhe kërkesave të qytetarëve që janë identifikuar përmes Forumit për Dialog Qytetar në komunën e Kamenicës. Të ftuar në diskutim ishin gjashtë kandidatët për Kryetar Komune, mirëpo pesë kandidatë iu përgjigjën ftesës: Qëndron Kastrati (PSD), Faton Jakupi (AAK), Jeton Biqkaj (LDK), Muhamed Kallaba (PDK) dhe Albert Sermaxhaj (Nisma).
Ky takim u organizua në kuadër të Forumit për Dialog Qytetar që financohet nga Olof Palme International Center, mbështetur nga Demokraci Plus (D+), përmes projektit “Pikëpamjet për Zgjedhjet Lokale 2021
Organizatat joqeveritare Iniciativa Qytetare për Zhvillim dhe Demokraci Plus, kanë organizuar debatin publik me kandidatët për Kryetar Komune të Obiliqit, qytetarëve dhe shoqërisë civile.
Në takim ishin të ftuar katër kandidatët për Kryetar Komune, mirëpo vetëm kandidati Ajet Berisha nga Lëvizja për Bashkim dhe Hanefi Musliu nga Partia Demokratike e Kosovës (PDK) i janë përgjigjur ftesës për diskutim. Në takim u diskutua rreth prioriteteve gjatë mandatit të ardhshëm si dhe kërkesave të qytetarëve që janë identifikuar përmes Forumit për Dialog Qytetar në komunën e Obiliqit.
👇 Më poshtë mund t’i gjeni kartën e zotimeve të këtyre kandidatëve për Kryetar Komune së Obiliqit.
Ky takim u organizua në kuadër të Forumit për Dialog Qytetar që financohet nga Olof Palme International Center, mbështetur nga Demokraci Plus (D+), përmes projektit “Pikëpamjet për Zgjedhjet Lokale 2021”.
Në korrik të vitit 2020, Universiteti i Prishtinës (UP) kishte iniciuar aktivitet të prokurimit përmes procedurës së hapur, për ta ndërtuar një rrugë dytësore e cila do të lidhte Fakultetin e Bujqësisë dhe Veterinarisë (FBV) me rrugën kryesore. Për këtë tender kanë ofertuar tre operatorë ekonomikë, për të cilin ishte parashikuar shuma prej 250,000.00 euro.
Për tenderin në fjalë të titulluar si “Vazhdimi i projektit në Fakultetin e Bujqësisë dhe Veterinarisë (FBV), rregullimi i rrugës”, operator fitues u shpall B.I. Halit S. Rama, i cili kishte ofertuar me vlerë prej 247,541.00 euro.
Kriteri për dhënien e kësaj kontrate ka qenë oferta e përgjegjshme me çmimin më të ulët, mirëpo si ofertë, ajo e fituesit rezulton si më e shtrenjta. Dy ofertat e tjera pjesëmarrëse kanë ofertuar me çmim dukshëm më të lirë, ajo e konsorciumit të kryesuar nga operatori ekonomik IR Project me 187,308.00 euro apo 60,233 më lirë dhe ajo e operatorit ekonomik Mak- Building Sh.P.K. me çmim prej 200,194.00 euro.
Ofertat e dy operatorëve ekonomikë janë cilësuar si të papërgjegjshme me arsyetimin se ato nuk ishin në përputhshmëri me kërkesat e parashtruara në Dosjen e Tenderit dhe në njoftimin për kontratë, gjë që të gjeturat e hulumtimit tregojnë që as fituesi nuk ka ofertë të përgjegjshme.
Pra, Zyra e Prokurimit të UP-së e vlerësoi ofertën e operatorit Halit S. Rama si “të përgjegjshme”, pavarësisht se oferta e tij nuk ofroi dëshmi për përfundimin me sukses të projekteve në fushë të ngjashme – për rrugë dhe kanalizime – në vlerë jo më pak se 350,000 euro, kërkesë kjo e Dosjes së Tenderit. Në listën e punëve të kryera, kompania Halit S. Rama nuk ka prezantuar asnjë projekt të fushës së ndërtimit të rrugëve apo kanalizimeve. Figurojnë vetëm punë të kryera në fushën e ndërtimtarisë, që përfshijnë hidroizolimin, rregullimin e dyshemeve, izolimin etj.
As në regjistrin e Agjencisë për Regjistrimin e Bizneseve (ARBK), kësaj kompanie nuk i figuron fushëveprimtaria në ndërtimin e rrugëve dhe kanalizimeve. Në certifikatën e ARBK-së, si aktivitet primar i kompanisë Halit S. Rama ceket ndërtimi i objekteve banesore dhe jobanesore.
Një kërkesë tjetër e Dosjes së Tenderit, e pa përmbushur nga kompania fituese e tenderit, ndërlidhet me përvojën profesionale të një inxhinieri të gjeodezisë. Operatori ka dështuar të ofrojë dëshmi që tregojnë se inxhinieri i gjeodezisë ka eksperiencë profesionale prej 4 vitesh, siç është kërkuar në kërkesat e tenderit. Në këtë drejtim, është paraqitur vetëm një dokument i referencës së punës së inxhinierit me dy vite përvojë profesionale.
Për shkak të këtyre mangësive, oferta e këtij operatori është dashur të shpallet e papërgjegjshme dhe si të tillë, autoriteti kontraktues (AK) e ka obligim ligjor ta refuzojë.
Nga ana tjetër, komisioni vlerësues i ofertave kishte eliminuar grupin e operatorëve ekonomikë IR Project; Companya Eskavatori Sh.P.K.; N.N.P.T. Engineering, me ofertë mbi 60 mijë euro më të lirë sesa kompania fituese, me arsyetimin se i kanë munguar certifikatat ISO – respektivisht kanë qenë të panoterizuara – si dhe për menaxherin e projektit, operatori nuk e ka ofruar certifikatën për sisteme hidroizoluese kristaline, riparuese dhe mbrojtëse.
Në dokumentet e siguruara nga Universiteti i Prishtinës, është gjetur se grupi i operatorëve ekonomikë, i udhëhequr nga IR Projekt, ka ofruar certifikata ISO valide, të cilat komisioni ka mundur t`i verifikojë edhe online, apo të kërkojë informata shtesë nga grupi i operatorëve ekonomikë ashtu siç parashihet me legjislacionin e prokurimit publik.Ndërkaq, oferta e dytë me çmimin më të lirë, ajo e operatorit Mak – Building Sh.P.K. është eliminuar me arsyen se i mungojnë inxhinierët e kërkuar.
Punimet në rrugën që lidh Fakultetin e Bujqësisë dhe Veterinarisë me rrugën kryesore janë përmbushur sipas afateve të parapara me planin për menaxhimin e kontratës. Pavarësisht që i kontraktuari kishte përfunduar pjesën e vet, autoriteti kontraktues nuk kishte arritur t’i kryejë obligimet financiare ndaj kësaj kompanie, me ç’rast buxheti i shtetit ishte dëmtuar për rreth 2 mijë euro.
UP-ja nuk i kryen obligimet me kohë, ia humb buxhetit të shtetit rreth 2 mijë euro
Gjashtë muaj pas afatit të përcaktuar me ligj, Universiteti i Prishtinës nuk i kishte kryer obligimet financiare ndaj operatorit Halit S. Rama, fitues i kontratës për rregullimin e kësaj rruge. Vonesat në pagesën e obligimeve kanë ndodhur për shkak të mungesës së kontrolleve sa i përket pagesës së faturave.
Si pasojë e moskryerjes së obligimeve, operatori ka angazhuar përmbaruesin privat Fadil I. Hoxha për përmbarimin e borxhit. Ky përmbarues privat i ka propozuar Departamentit të Thesarit në Ministrinë e Financave, që t’i bllokojë xhirollogaritë e UP-së dhe ta transferojë shumën prej 100,119.00 euro, të obliguara sipas faturës me nr. 35-220-001-20, së datës 2 tetor 2020, në xhirollogarinë e përmbaruesit.
Sipas dokumenteve, MF-ja ka aprovuar urdhëresën e përmbaruesit të nxjerrë më datë 23 mars 2021, pesë muaj pas lëshimit të faturës. Kësisoj, procedura përmbarimore i ka krijuar UP-së pagesa shtesë nga buxheti në shumë prej 1,995.00 euro, si dhe 109.00 euro të tjera për taksë përmbarimore.
Nga UP-ja janë kërkuar sqarime rreth faktit të shpalljes fitues të një kompanie të papërgjegjshme si dhe moskryerjes me kohë të obligimeve të rrjedhura nga kontrata. Ky institucion ka ofruar qasje në dokumente publike, por nuk është përgjigjur në pyetjet shtesë të cilat u janë drejtuar Sekretarit të UP-së dhe zyrtarit kryesor të prokurimit përmes adresës elektronike, më 26 prill të këtij viti.
Në pyetjet me shkrim, nuk është përgjigjur as operatori ekonomik Halit S. Rama, nga i cili është kërkuar të dokumentojë në qoftë se posedon dëshmi të tjera për përvojen profesionale të inxhinerit të gjeodezisë, për të cilin ka ofruar referenca vetëm për 2 vite dhe jo 4 sa kërkohej në Dosjen e Tenderit.
Ky artikull është botuar në kuadër të projektit “Qeverisje e mirë: prokurim publik dhe politik-bërje e avancuar” i financuar nga BE, zbatuar nga Demokraci Plus (D+). Përmbajtja e këtij shkrimi është përgjegjësi e vetme e autorit dhe në asnjë mënyrë nuk mund të paraqes pikëpamjet e D+ dhe të Bashkimit Evropian.
