Qytetarët kanë të drejtë të kërkojnë kompensim për dëmet e shkaktuara nga autoritetet publike.

Me qëllim të ndërgjegjësimit lidhur me këtë të drejtë, kemi organizuar takimin e radhës informues me qytetarë në Komunën e Ferizajit. Gjatë këtij takimi, ata u informuan për mekanizmat dhe procedurat ligjore lidhur me të drejtën e tyre për kompensim, si dhe për rolin dhe ndihmën juridike që ofron Agjencia për Ndihmë Juridike Falas.

Ky aktivitet është mbështetur nga zyra e BE-së në Kosovë në kuadër të projektit “Promovimi i procedurave të drejta administrative për qytetarët dhe bizneset”.