D+ takohet me Kryetarin e Komunës së Skënderajt Fadil Nura për të avokuar lidhur me përmbushjen e zotimeve zgjedhore
Albert Krasniqi nga D+, së bashku me Milazim Mustafaj nga Iniciativa Qytetare Skënderaj në cilësinë e organizatës partnere lokale, kanë takuar sot Kryetarin e Komunës së Skënderajt, Fadil Nura. Në këtë takim u diskutua për progresin në përmbushjen e zotimeve zgjedhore të Kryetarit Nuraj, të cilat kishin dal nga takimet publike me qytetarë të organizuara nga D+ gjatë periudhës së fushatës për zgjedhjet lokale 2021. Kryetari Nuraj ka rikonfirmuar zotimin e tij se do të përmbushë të gjitha 21 zotimet e nënshkruara.
Disa prej zotimeve tashmë veçse janë në fazën e realizimit, siç është ndërtimi i Qendrës Rehabilituese për Personat me Aftësi të Kufizuara. Takimet me kryetarë të komunave po mbahen në kuadër të projektit “Forumi për Dialog Qytetar”, që mbështetet nga Olof Palme International Center.