D+ takon Kryetarin e Komunës së Kamenicës Kadri Rahimaj
D+ takon Kryetarin e Komunës së Kamenicës Kadri Rahimaj
D+ së bashku me partnerët nga Kamenica OJQ Fortesa, kanë takuar sot Kryetarin e Komunës Kadri Rahimja me të cilin diskutuan për përmbushjen e zotimeve zgjedhore. Përmirësimi i furnizimit me ujë të pijshëm, zbatimi i rregullores kundër ndotjes akustike, trajtimi i mbeturinave të zeza, kanë qenë vetëm disa nga 23 kërkesat e qytetarëve të dala nga tubimet publike gjatë periudhës së fushatës për zgjedhjet lokale 2021.
Kryetari Rahimaj ka shprehur përkushtimin e tij në përmbushjen e të gjitha kërkesave të qytetarëve të nënshkruara në “Kartën e Zotimeve”. Të gjitha zotimet për dhjetë komuna të Kosovës do të monitorohen nga organizatat partnere të D+, të cilat do të paraqiten në platformën forumi.online.
Takimet me kryetarë të komunave po mbahen në kuadër të projektit “Forumi për Dialog Qytetar” që mbështetet nga Olof Palme International Center.