Demokraci Plus takohet me Kryetarin e Komunës së Obiliqit Xhafer Gashi për të diskutuar përmbushjen e zotimeve zgjedhore
Gjatë periudhës së fushatës për zgjedhjet lokale, Demokraci Plus (D+) ka organizuar një seri takimesh me qytetarë në Komunën e Obiliqit për të identifikuar nevojat e tyre të cilat kërkojnë adresim nga qeverisja lokale. Nevojat e qytetarëve janë shndërruar në “Kartë të Zotimeve” për kandidatët për kryetar të komunës, të cilët kanë premtuar se do t’i përmbushin ato në rast se marrin mandatin për të qeverisur.
Kryetari i Komunës së Obiliqit, Xhafer Gashi ka qenë njëri prej kandidatëve që ka nënshkruar “Kartën e Zotimeve” që përmban gjithsej 28 kërkesa. D+ do të bëjë monitorimin e përmbushjes së zotimeve, dhe do t’i paraqes ato në platformën forumi.online. Monitorimi i përmbushjes së zotimeve po bëhet në kuadër të “Forumit për Dialog Qytetar”, që përbëhet prej nëntë organizatave joqeveritare dhe zbatohet në dhjetë komuna të Kosovës. Projekti mbështet nga Olof Palme International Center.