29.10.2024

Nga burokracia tek nevoja për digjitalizim të shërbimeve administrative, këto janë shqetësime që duhen adresuar për të lehtësuar rrugën drejt një mjedisi më të thjeshtë dhe më efikas për të bërë biznes në Kosovë.

Kemi zhvilluar një takim me përfaqësues të bizneseve dhe odës ekonomike të Kosovës për të diskutuar sfidat dhe pengesat burokratike me të cilat përballen bizneset në përditshmërinë e tyre.

Qëllimi i këtij takimi ishte prioritizimi i thjeshtimit dhe digjitalizimit të disa shërbimeve administrative të identifikuara nga përfaqësuesit e bizneseve, në kuadër të Programit për Parandalimin dhe Zvogëlimin e Barrës Administrative.

Diskutimi rezultoi me rekomandime konkrete, të cilat do t’i shërbejnë Zyrës për Planifikim Strategjik pranë Zyrës së Kryeministrit, si koordinatore e procesit për zvogëlimin e barrës administrative, si dhe institucioneve të tjera si: ATK, Dogana, ARBK, MMPHI, KPMM, komunat dhe ndërmarrjet publike.

Ky aktivitet mbështetet nga Zyra e BE-së në Kosovë, në kuadër të projektit “Promovimi i procedurave të drejta administrative për qytetarë dhe biznese”.