Është mbajtur takimi i grupit punues me përfaqësues nga Ministria e Financave, Administratës Tatimore, Ministrisë së Bujqësisë dhe Agjensionit të Punësimit me qëllim të finalizimit të materialeve përcjellëse për rregullimin e kornizes ligjore për punësimin sezonal.

Anëtarët e grupit punues, kontribuan me ekspertizën e tyre për të finalizuar materialet, ndërsa D+ si mbështetës dhe implementuese e projektit, lehtësoi diskutimet dhe siguroi burimet e nevojshme për finalizimin e këtij procesi.

Projekti “Kushtet më të mira të punësimit për punëtorët sezonal në Kosovë” mbështetet nga GIZ, me seli në Bon, në kuadër të projektit “Fondi i hapur rajonal për modernizimin e shërbimeve komunale”.