Lajmet

Grante – Rundi II

 
 

SHPALLJE

 

Aktiviteti për Bashkëpunim në Komunitet (CCA) – 2021

 

Promovimi i llogaridhënies së qeverisjes lokale dhe krijimi i një kohezioni më të madh social në nivel komunitetesh në komunat e Kosovës

 

Kërkesë për Aplikim

Rundi II

 

 

Data e shpalljes:    10 Shkurt, 2021

Data e mbylljes:    11 Mars, 2021            

Ora e mbylljes:     17:00

 

Të nderuar aplikues,

 

Aktiviteti për Bashkëpunim në Komunitet (CCA) fton aplikues për grante që kontribuojnë në përmbushjen e dy objektivave si më poshtë:

 

    • (1) Rritjen e përfshirjes së qytetarëve në identifikimin dhe adresimin e sfidave të komunitetit lokal të grupeve të nënpërfaqësuara veçanërisht: gratë, të rinjtë dhe komunitetet joshumicë; dhe

 

  • (2) Përmirësimin e bashkëpunimit multietnik për çështje që lidhen me komunitetin dhe bashkëpunimin ndërmjet qytetarëve të grupeve të ndryshme etnike dhe qeverive të tyre lokale.

 

Aplikacionet gjithashtu duhet të kontribuojnë kundrejt këtyre katër rezultateve:

 

Rezultati 1: Përfshirje më e madhe qytetare në identifikimin dhe zgjidhjen e sfidave të komunitetit lokal (me fokus të veçantë te gratë, të rinjtë dhe qytetarë tjerë të papërfaqësuar);

Rezultati 2: Përmirësim i bashkëpunimit multietnik rreth çështjeve që kanë të bëjnë me komunitetet në Kosovë;

Rezultati 3: Bashkëpunim më i mirë ndërmjet qytetarëve dhe qeverisjes komunale;

Rezultati 4: Rritje e kënaqshmërisë qytetare me performancën e komunave të tyre.

 

Ky është rundi i dytë i aplikimeve për grante të vogla në kuadër të CCA. Në këtë rund, CCA do të ndajë deri në dhjetë (10) grante me vlerë deri në $11,000 për grant, të negociuara sipas temës dhe aktiviteteve që propozohen nga përfituesi i grantit. Grantet mund të implementohen në gjithë Kosovën, ndërsa inkurajohen iniciativat ndërkomunale.

 

USAID rezervon të drejtën për mos të financuar asnjë nga aplikantët.


Pakoja e aplikimit duhet të përfshijë:

• Formularin e plotësuar të aplikimit online (në linkun: https://grante.dplus.org/);

• Buxhetin e parashikuar dhe arsyetimin e buxhetit (vetëm në formatin EXCEL);

• CV-të e punonjësve kyç të projektit;

• Kopjen valide të certifikatës së regjistrimit në Kosovë;

• Kopjen e statutit të organizatës;

• Numrin fiskal.

 

 

Sesionet informuese:

 

Në përputhje me situatën e krijuar nga pandemia COVID-19, sesionet informuese do të mbahen në mënyrë virtuale përmes platformës Zoom. Një sesion do të mbahet në gjuhën shqipe dhe një sesion në gjuhen serbe, sipas orarit si në vijim:

 

Në gjuhën shqipe: 16 shkurt, 2021 (10:30 @Zoom platform: https://zoom.us/j/96968574455)

Në gjuhën serbe: 18 shkurt, 2021 (10:30 @Zoom platform: https://zoom.us/j/96345265379)

 

Sesionet informuese do të ofrojnë të dhëna më të hollësishme mbi qëllimin e aktivitetit dhe procedurat për përgatitjen dhe dorëzimin e aplikacioneve. Subjektet e interesuara do të kenë mundësi të parashtrojnë pyetje të tjera shtesë edhe përmes emailit: [email protected].

 

Afati i fundit për dërgim të pyetjeve është 19 Shkurt, 2021, në orën 17:00. Të gjitha pyetjet dhe përgjigjet do të vendosen në ueb faqen e D+ (https://dplus.org/grantet/), me datën 24 Shkurt, 2021 në orën 17:00 hrs.

 

 

Afati për aplikim:

Afati i fundit për të aplikuar është 11 Mars 2021, ora 17:00.

Aplikacionet duhet të plotësohen vetëm përmes formës online https://grante.dplus.org

 

 

Aplikacionet e vonuara:

Formulari i aplikimit online mbyllet në mënyrë automatike në afatin e caktuar, dhe aplikimet e paraqitura në ndonjë formë tjetër nuk do të pranohen. Aplikacionet e pakompletuara nuk do të merren në konsideratë në procesin e shqyrtimit.