Hapet aplikimi për kampin veror “Youth Summer Camp 2022”
Thirrje për aplikim
Kampi Veror Rinor
26-28 Gusht
Hotel Solid, Suharekë
A punoni në një organizatë rinore? A dëshironi të zhvilloni aftësitë tuaja prej lideri dhe të mësoni më shumë për bashkëpunimin ndëretnik? Nëse i përgjigjeni “po” ndonjërës prej këtyre pyetjeve, kjo mundësi e jashtëzakonshme është për ju.
D+ në partneritet me KAS po e lanson këtë vit Kampin Veror Rinor, duke bashkuar rreth 20-25 pjesëmarrës të rinj nga komuna të ndryshme dhe me përkatësi të ndryshme etnike.
Pjesëmarrësit e përzgjedhur do të kenë mundësinë të:
- Mësojnë praktikat e demokracisë dhe lidershipit që do t’i ndihmojnë të rinjtë të bëjnë ndryshime në jetën e tyre dhe në raportet e mëtejshme ndëretnike në komunitetet në mbarë Kosovën.
- Mësojnë se si të aplikojnë elemente të angazhimit demokratik dhe të forcojnë bashkëpunimin ndërmjet të rinjve me përkatësi të ndryshme etnike.
- Reflektojnë mbi aktivizmin aktual të komunitetit dhe përvetësojnë praktika të reja organizative për ta bërë komunitetin më ndëretnik.
- Identifikojnë mundësi për angazhimin e të rinjve në nivel komunal dhe komuniteti, për të promovuar bashkëpunimin ndëretnik.
Rreth kampit veror:
Programi: Kampi Veror Rinor do të përbëhet nga 3 modulet e mëposhtme:
- Moduli për lidership
- Moduli për angazhim demokratik
- Moduli për aktivizëm në komunitet
Për çdo modul do të ketë studime rasti, aktivitete praktike dhe lojëra në grupe. D+ ka angazhuar një grup ekspertësh si trajnerë të cilët do t’i zhvillojnë aktivitetet në secilin modul.
Gjuha në të cilën do të zhvillohet kampi është gjuha shqipe dhe angleze. Të gjitha shpenzimet e udhëtimit, akomodimit dhe ushqimit gjatë kampit veror do të mbulohen nga organizatorët.
Kush mund të aplikojë?
Kjo është një thirrje e hapur për të gjithë të rinjtë që janë:
- Të moshës 19 – 22 vjeç;
- Të interesuar për të mësuar mbi konceptet e demokracisë dhe lidershipit;
- Entuziast për të zbatuar aftësitë dhe njohuritë e reja në komunitetin e tyre;
- Kërkojnë të krijojnë miqësi të re dhe të zgjerojnë rrjetin e tyre.
Si të aplikoni?
Aplikantët e interesuar ftohen të plotësojnë formularin e aplikimit: https://dpl.us/YouthSummerCamp. Afati për aplikim është deri me datën 17 gusht, 2022. Për pyetje rreth aplikimit, kontaktoni në [email protected].
D+ ofron mundësi të barabarta angazhimi për të gjithë individët e interesuar dhe inkurajon aplikime nga të gjithë, pavarësisht nga feja, raca, etnia, gjinia, orientimi seksual apo pikëpamjet politike.