Demokraci Plus (D+) shpallë konkurs për angazhimin e pesë (5) praktikantëve të cilët do të asistojnë në punën e komisioneve në Kuvendin e Republikës së Kosovës dhe në D+. Programi i praktikës realizohet në kuadër të projektit “Forcimi i rolit mbikëqyrës të Kuvendit dhe fuqizimi i të rinjve për të kërkuar llogaridhënie ndaj zyrtarëve të zgjedhur”, që përkrahet nga National Endowment for Democracy (NED).

Detyrat e punës përfshijnë:

• Asistencë në organizimin e mbledhjeve të komisioneve parlamentare;
• Përgatitjen e ftesave për anëtarët e komisionit dhe pjesëmarrësit;
• Përgatitjen e procesverbaleve dhe transkripteve të mbledhjeve;
• Asistencë në organizimin e dëgjimeve publike;
• Asistencë në hulumtime dhe mbledhje të të dhënave për nevojat e komisionit;
• Organizim të tryezave dhe konferencave;
• Mbajte të shënimeve në takime dhe ngjarje të ndërlidhura me punën e komisionit;
• Asistim në digjitalizim të arkivës së komisionit;
• Punë të tjera të ngjashme që kërkohen nga stafi i komisionit dhe i D+.

Kriteret e përzgjedhjes së kandidatëve:

1. Të jetë në vitin e fundit të studimeve themelore;
2. Të ketë njohuri të mirë të gjuhës angleze (përfshirë shkrimin);
3. Të ketë njohuri të mirë punës me Microsoft Word dhe Excel;
4. Të ketë aftësi të larta komunikimi verbal dhe me shkrim.

Dokumentet e nevojshme për aplikim:

1. CV-në; dhe
2. Letër motivimi.

Të interesuarit mund t’i dërgojnë aplikacionet në e-mail adresën: [email protected].

Afati për dorëzimin e aplikacioneve është 21 gusht 2024. Vetëm kandidatët që hyjnë në listën e ngushtë do të kontaktohen për intervistë.

Programi i praktikës do të jetë me pagesë dhe do të zgjasë 5 muaj (shtator 2024 – janar 2025). Puna praktike do të jetë me gjysmë orari.