Konkurs për vend pune
Demokraci Plus (D+) shpall konkurs për pozitën e Hulumtuesit të Lartë në fushën e Prokurimit Publik.
Përgjegjësitë e punës:
- Monitorimi i aktiviteteve të prokurimit publik në institucionet publike të Republikës së Kosovës, me theks të veçantë në Organin Shqyrtues të Prokurimit (OSHP) dhe komunat e Kosovës;
- Përgatitja e raporteve dhe analizave në fushën e prokurimit publik;
- Organizimi i debateve dhe fushatave avokuese;
- Përfaqësimi i D+ në aktivitete të ndryshme;
- Angazhime të tjera sipas nevojës.
Kualifikimet dhe shkathtësitë minimale për këtë pozitë:
Arsimimi: Të ketë të përfunduar studimet Bachelor (Master i preferueshëm) në Juridik, Administratë Publike, Ekonomi apo fusha të tjera relevante.
Përvoja paraprake: Të paktën tri vite përvojë pune në OJQ, organizata ndërkombëtare ose të ngjashme.
Njohja e gjuhëve: Njohja e gjuhës angleze (në të folur dhe të shkruar) është e domosdoshme. Njohja e gjuhës serbe është përparësi.
Njohuritë e punës: Aplikantët duhet të kenë njohuri të larta për legjislacionin kosovar mbi prokurimin publik, kompetencat e komunave dhe institucioneve tjera, sikurse të ketë edhe aftësi të shkrimit, analizimit dhe komunikimit profesional;
Niveli i Pagës: Paga për këtë pozitë do të përcaktohet varësisht nga kualifikimet dhe përvoja.
Dokumentet për aplikim:
- CV;
- Letër motivuese;
- Letër rekomandimi (e dëshirueshme).
Kandidatët duhet të jenë të gatshëm t’i nënshtrohen një serie të trajnimeve profesionale në lidhje me punën dhe monitorimin e prokurimit publik. Ata duhet të kenë vlera të larta morale dhe përgjegjësi profesionale dhe të zotohen për të shërbyer paanshëm, në përputhje me statutin dhe rregulloret e D+.
Aplikacionet për punë duhet të dërgohen në adresën [email protected], deri me datën 01.12.2022. Vetëm kandidatët që hyjnë në listën e ngushtë do të ftohen në intervistë.