D+ është një organizatë e pavarur, jofitimprurëse, e themeluar nga një grup aktivistësh që besojnë fuqishëm në vlerat demokratike dhe në një Kosovë demokratike. Qëllimi kryesor i organizatës sonë është të mbështesë vlerat dhe praktikat demokratike në fushën e qeverisjes së mirë, sundimit të ligjit, zgjedhjeve dhe partive politike, çështjeve sociale dhe të drejtave të njeriut.

Demokraci Plus (D+) në kuadër të projektit “Promovimi i procedurave të drejta administrative për qytetarë dhe biznese”, të financuar nga zyra e BE-së në Kosovë, kërkon të angazhojë tre zyrtarë/e ligjorë/e me përvojë në çështje civile/administrative. Këta zyrtarë/e do të ofrojnë ndihmë juridike falas në kuadër të institucionit publik, Agjencisë për Ndihmë Juridike Falas (ANJF) në trajtimin e rasteve administrative të qytetarëve (persona fizikë) që kërkojnë kompensim në gjykatë për dëmet e shkaktuara nga autoritetet publike.

Zyrtarët/et e angazhuar/a do të veprojnë në tri komuna në zyrat rajonale për ndihmë juridike falas të ANJF:

• Prishtinë (1)

• Mitrovicë (1)

• Gjakovë (1)

Vlerat thelbësore:

• Integriteti

• Respekti

• Profesionalizmi

Përgjegjësitë kryesore: 

Ofrim i shërbimeve të ndihmës juridike, përkatësisht këshillimeve ligjore në çështjet civile/administrative për qytetarët të cilët kërkojnë të drejtën e tyre në rast të dëmit të shkaktuar nga ana e autoriteteve publike. Kjo ndihmë juridike do të përfshijë:

• Në kuadër të zyrës Rajonale ofron ndihmë juridike falas, aplikuesve të kualifikuar, në lëmin: civile dhe administrative,nëpërmjet: këshillave juridike, përpilimit te parashtesave dhe shkresave, pranimit te ankesave, kundër vendimeve për refuzimin e ndihmës juridike falas, duke i dorëzuar të njëjtat në Komisionin për ankesa.
• Angazhon avokatet nga lista e avokateve të ofruar nga OAK, njëkohësisht përcjell ecurinë e lëndës,
• Nxjerr vendime lidhur me aprovimin apo refuzimin e ndihmës juridike falas,
• Bashkëpunon me institucionet relevante lidhur me ofrimin e ndihmës juridike falas
• Kryen hulumtime dhe analiza lidhur me ofruesit dhe përfituesit e ndihmës juridike falas dhe prezanton rekomandimet nga të gjeturat hulumtuese,
• Kujdeset për respektimin e të gjitha afateve ligjore në pajtim me legjislacionin në fuqi të Republikës se Kosovës.
• Mban evidencë, ruan dhe arkivon lëndët e përfituesve të ndihmës juridike falas,
• Përpilon raporte të rregullta për mbikëqyrësin e drejtpërdrejtë, dhe kryen detyra tjera në përputhje me mandatin ligjor.

Kohëzgjatja: 

Për këtë qëllim, D+ do të angazhojë tre zyrtarë/e ligjorë/e deri në një periudhë tetë mujore që nga data e nënshkrimit të kontratës.

Kriteret e përgjithshme:

• Të jetë shtetas i Republikës së Kosovës;

• Të mos jetë i/e dënuar për kryerjen e ndonjë vepre penale me dashje;

Kualifikimet:

• Të ketë të përfunduar fakultetin juridik;
• Të ketë një (1) vit përvojë pune në institucione publike ose shoqëri civile;

• Të ketë njohuri shumë të mira të legjislacionit aktual lidhur me të drejtën për kompensim në rastet e dëmit të shkaktuar nga autoritetet publike në Kosovë;

• Të ketë aftësi për të punuar në mënyrë efektive dhe nën presion të kohës;

• Përvoja në fushën e rasteve civile-administrative konsiderohet vlerë e shtuar;

• Përvoja në shoqërinë civile do të konsiderohet vlerë e shtuar.

Mënyra e aplikimit: 

Ju lutem dërgoni dokumentet e mëposhtme:

• CV
• Kopjen e letërnjoftimit
• Kopjen e diplomës
• Kopjet e dëshmisë së punësimit (vërtetim) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.
• Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

• Deri në dy referenca kontakti nga punët e mëhershme në [email protected]  deri me 2 shtator 2024, në ora 17:00. Subjekti i këtij email-it duhet të jetë “Aplikim për zyrtar ligjor”. Kandidatët e përzgjedhur për intervistë do të njoftohen me email.

Demokraci Plus është një punëdhënës me mundësi të barabarta, i përkushtuar ndaj diversitetit në vendin e punës dhe ndërmerrë veprime për të mbështetur punësimin e grave dhe anëtarëve të komunitetit jo-shumicë.

D+ do t’i trajtojë të gjitha aplikimet me konfidencialitet të plotë.

 Deklaratë mohimi: 

Kjo thirrje për punë realizohet me mbështetje financiare të Bashkimit Evropian. Përmbajtja e këtij konkursi është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Promovimi i procedurave të drejta administrative për qytetarë dhe biznese” i financuar nga BE, zbatohet nga Demokraci Plus (D+).