Lansimi i Indeksit të Cenueshmërisë ndaj Dezinformatave në Kosovë
Të martën, Demokraci Plus ka lansuar Indeksin e Cenueshmërisë ndaj Dezinformatave në Kosovë, e që është bërë për herë të parë në Kosovë.
Në konferencën e organizuar nga NDI Kosovo për Integritetin e Informacionit znj. Albana Rexha nga D+ shpalosi gjetjet kryesore të Indeksit, ku ndër të tjera theksoi se Kosova është e cenueshme ndaj dezinformimit dhe ndikimit të jashtëm keqdashës, në shkallë prej 41/100.
Ndërsa në panelin e moderuar nga z. Albert Krasniqi ku u diskutua rreth dezinformatave dhe sa është e cenushme Kosova, u potencua rëndësia e kuadrit ligjor dhe mekanizmave institucional për të parandaluar dezinformimin, si dhe politikat redaktoriale që duhet ndjekur nga mediat për të ndaluar përhapjen e lajmeve të rreme.
Raportin e plotë mund ta gjeni këtu https://dpl.us/r38