18.11.2024

Takimi i fundit i forumit konsultativ lokal shënoi një hap të rëndësishëm në promovimin e kohezionit socio-ekonomik dhe qëndrueshmërisë mjedisore për komunitetet rom, ashkali dhe egjiptian. Përmes këtij forumi, Aktiviteti i USAID Riciklimi ka Rëndësi – Graçanicë bashkon përfaqësues të komunitetit dhe akterë lokal për të zhvilluar dialog konstruktiv dhe strategji për arritjen e objektivave të përbashkëta.

Gjatë sesionit, u përcaktuan plane për të zgjeruar modelet e riciklimit, përfshi 250 shtëpi, 40 biznese dhe tri shkolla të tjera. Këto përpjekje synojnë të integrojnë më shumë anëtarë të komunitetit në praktikat e qëndrueshme të menaxhimit të mbeturinave, duke sjellë përfitime mjedisore dhe ekonomike. Diskutimet gjithashtu theksuan programet e ardhshme të trajnimit për të rritur ndërgjegjësimin mbi rreziqet shëndetësore, për të përmirësuar aftësitë në trajtimin e mbeturinave dhe për të krijuar mundësi për ndërmarrje sociale. Këto iniciativa do të luajnë një rol të rëndësishëm në mbështetjen e mbledhësve joformal të mbeturinave dhe bizneseve të reja të regjistruara, duke krijuar një bazë për qëndrueshmëri afatgjate.

Një temë e rëndësishme e forumit ishte edhe bashkëpunimi me partnerët e sektorit privat. Synimi i Aktivitetit është të lehtësoj nënshkrimin e të paktën pesë memorandumeve shtesë në mes të mbledhësve dhe bizneseve, duke siguruar që këto komunitete kanë qasje në burime dhe mbështetje të nevojshme për të qenë të suksesshëm. Kjo qasje e bazuar në partneritet tregon përkushtimin ndaj gjithëpërfshirjes, fuqizimit ekonomik dhe kujdesit mjedisor.