21.10.2024

Javën e kaluar kemi organizuar punëtori dyditore me përfaqësues/e nga 20 komuna, për të diskutuar sfidat e zyrtarëve përgjegjës për prokurim publik në zbatimin e Ligjit për Prokurimin Publik.  Ndër çështjet që u diskutuan gjatë punëtorisë ishin:

• Kriteret e dhënies së kontratave;
• Vendosja e kritereve diskriminuese në tenderë, dhe ankesat kundër vendimeve të institucioneve publike;
• Përdorimin e kontratave një burimore;
• Lidhjen e marrëveshjeve për shërbime të veçanta;
• Mekanizmin e “Listës së Zezë”.

Qëllimi i diskutimeve ishte nxjerrja e të gjeturave dhe rekomandimeve që do të mund të adresohen në Ligjin e ri të Prokurimit Publik, duke reflektuar nevojat reale nga praktika dhe duke garantuar një proces efikas e të drejtë për të gjitha palët e përfshira në prokurimin publik.

Ky aktivitet u realizua në kuadër të projektit “Rritja e transparencës, llogaridhënies dhe efiçiencës në shpenzimin e parasë publike përmes prokurimit publik në Kosovë” i financuar nga Bashkimi Evropian.