Demokraci Plus (D+) mirëpret vendimin e Agjencisë për Parandalimin e Korrupsionit (APK), e cila ka vërtetuar rastin e iniciuar nga D+ për konflikt interesi në rastin e kontraktimit të ish-udhëheqësit të Zyrës së Prokurimit nga Ministria e Ekonomisë (ME), 76 ditë pas pensionimit të tij. APK në vendimin Nr. 1631/25 të datës 15.08.2025, ka vlerësuar se ky veprim bie ndesh me Ligjin Nr. 06/L-011 për Parandalimin e Konfliktit të Interesit në Ushtrimin e Funksionit Publik, respektivisht nenin 18 të saj, dhe ka iniciuar procedurë kundërvajtëse pranë gjykatës kompetente. 

D+ i bënë thirrje ME-së për shfuqizimin e kontratës 213-25-885-2-3-6 dhe njëkohësisht mbetet e përkushtuar të ndjekë zhvillimet gjyqësore të këtij rasti dhe të avokojë për një sistem të prokurimit publik që garanton konkurrencë të ndershme, transparencë dhe llogaridhënie.