Demokraci Plus (D+), në partneritet me Misionin e OSBE-së në Kosovë, është duke e zbatuar Programin e Praktikës në nivel lokal, i cili ka për qëllim promovimin e pjesëmarrjes së të rinjve në proceset vendimmarrëse dhe të hartimit të politikave. Kjo do të arrihet përmes një qasjeje praktike dhe pjesëmarrëse, e bazuar në parimin e të mësuarit përmes veprimit, si dhe përmes pajisjes së të rinjëve me aftësi dhe njohuri relevante e të transferueshme.

Programi i Praktikës sivjet do të mirëpresë përsëri pesëmbëdhjetë (15) të reja dhe të rinj të moshës nga 20 deri në 24 vjeç, të cilët do të angazhohen në institucione të qeverisjes lokale dhe organizata partnere të shoqërisë civile (OSHC). Programi synon të afrojë të rinjtë me institucionet e qeverisjes lokale dhe OSHC-të përkatëse, duke i përfshirë ata drejtpërdrejt në proceset pjesëmarrëse lokale, si dhe në proceset e vendimmarrjes dhe hartimit të politikave.

Bazuar në profilet dhe interesat e aplikantëve, dhe duke marrë parasysh nevojat e institucionit dhe/ose organizatës partnere, praktikantët e përzgjedhur do të vendosen në zyra/divizione/drejtori të ndryshme të komunave dhe OSHC-ve partnere. Për të udhëhequr dhe monitoruar punën e tyre gjatë gjithë periudhës së praktikës, institucionet/organizatat partnere do të ftohen të caktojnë mbikëqyrës, të cilët do të realizojnë vlerësime të rregullta për praktikantët.

Synimi:

Programi i Praktikës synon t’u mundësojë pesëmbëdhjetë (15) të rejave dhe të rinjve të fitojnë përvojë profesionale të rëndësishme në proceset vendimmarrëse dhe të hartimit të politikave në nivel lokal gjatë një periudhe prej pesë muajsh.

Detyrat:

Në varësi të llojit të punës dhe të drejtorive/zyrave/divizioneve të qeverisjes lokale apo OSHC-ve partnere, praktikantët do të ngarkohen me detyra të tilla si:

•    Ndihmojnë në:
• • hartimin e opinioneve dhe komenteve mbi propozimet e politikave;
  • përgatitjen e raporteve të brendshme dhe të jashtme;
  • zhvillimin e proceseve të planifikimit, monitorimit dhe vlerësimit të brendshëm;
  • zbatimin e projektve dhe iniciativave;
  • realizimin e hulumtimeve dhe analizave;

• Hartimin e një orari për komunikim të rregullt me mbikëqyrësin e caktuar;
• Kryerjen e detyrave të tjera të përcaktuara nga mbikëqyrësi i caktuar;
• Pjesëmarrjen në dy trajnime gjatë kohëzgjatjes së Programit;
• Pjesëmarrjen në eventet e organizuara në Kolegjin AAB dhe Universitetin e Prishtinës.

Rezultatet e pritshme:

• Deri më 16 qershor 2025, praktikanti/ja i/e përzgjedhur, në bashkëpunim me mbikëqyrësin e caktuar, duhet të dorëzojë një plan pune me një përshkrim të detajuar të detyrave dhe përgjegjësive;
• Deri më 31 tetor 2025, praktikanti/ja i/e përzgjedhur do të dorëzojë një raport përfundimtar të vetëvlerësimit, përmes të cilit do të ftohet të reflektojë në mënyrë kritike mbi përvojën e tij/saj, si dhe mbi rëndësinë e Programit për zhvillimin profesional dhe/ose angazhimin qytetar;
• Deri më 31 tetor 2025, praktikanti/ja i/e përzgjedhur duhet të plotësojë anketën përfundimtare mbi Programin e Praktikës;
• Në fund të çdo muaji të praktikës, praktikantët e përzgjedhur, në bashkëpunim me mbikëqyrësin e caktuar, duhet të dorëzojnë një fletë të pjesëmarrjes (timesheet) mujore, të nënshkruar nga praktikanti/ja dhe mbikëqyrësi, që konfirmon datat dhe orët e pranisë në vendin e punës;
• Praktikantët e përzgjedhur duhet të dorëzojnë çdo muaj një përmbledhje të shkurtër me shkrim për D+ mbi aktivitetet/detyrat e përfunduara.

Treguesit e performancës:

• Praktikanti/ja i/e përmbahet orarit të punës me kohë të pjesshme, sipas planit të punës të dakorduar me mbikëqyrësin;
• Praktikanti/ja merr pjesë në dy sesione trajnimi;
• Praktikanti/ja merr pjesë në të paktën një ngjarje publike;
• Praktikanti/ja dorëzon materialet e kërkuara (p.sh., planin e punës, fletën e pjesëmarrjes mujore, raportin përfundimtar, anketën përfundimtare);
• Praktikanti/ja demonstron njohuri dhe interes të shtuar për proceset pjesëmarrëse dhe vendimmarrëse në nivel lokal.

Vendndodhja:

Kandidatët e përzgjedhur do të punojnë në institucione të përzgjedhura të pushtetit lokal dhe OSHC-ve partnere, ku do t’u sigurohet hapësira dhe materiali i nevojshëm për punë, sipas dëshirës.

Kohëzgjatja:

Programi i Punës Praktike do të zgjasë pesë muaj (qershor–tetor 2025).

Kandidatët e përzgjedhur duhet të paraqiten në institucionet/organizatat ku do të kryejnë praktikën të paktën 14 ditë pune në muaj, për jo më pak se katër orë në ditë

Kualifikimet e nevojshme:

• Të jetë i/e moshës 20 deri në 24 vjeç me rastin e paraqitjes së aplikimit;
• Të jetë i/e regjistruar si student në një program universitar;
• Të zotërojë shkëlqyeshëm gjuhën shqipe, serbe, ose të dyja gjuhët, në të folur dhe në të shkruar;
• Zotërimi i mirë i gjuhës angleze në të folur dhe në të shkruar konsiderohet përparësi;
• Të ketë njohuri për përdorimin e aplikacioneve të Windows dhe e-mailin;
• Të dëshmojë vetëdije dhe ndjeshmëri ndaj çështjeve gjinore;
• Gatishmëri për të punuar në ekip;
• Të ketë xhirollogari në Kosovë.

Kualifikime të dëshirueshme:

• Njohuri bazë për mekanizmat e pjesëmarrjes dhe vendimmarrjes publike në nivel lokal;
• Anëtarësi aktuale ose e mëparshme në strukturat rinore (p.sh., këshillat e veprimit rinor lokal, qendrat rinore etj.) dhe/ose organizatat e shoqërisë civile të angazhuara në mënyrë aktive në sektorin rinor;
• Të ketë kontribuar si vullnetar/e dhe/ose aktivist/e rinor në nisma/projekte përkatëse.

Shënim: Edhe D+ edhe OSBE-ja janë të përkushtuar që të promovojë diversitetin dhe përfshirjen dhe inkurajon kandidatët gra dhe burra të rinj të kualifikuar, si dhe kandidatët me aftësi të kufizuara, nga zonat rurale dhe nga radhët e komuniteteve joshumicë ose grupeve të cenueshme që të aplikojnë në programin e punës praktike.

Kompensimi:

Çdo kandidati/eje të përzgjedhur do t’i jepet si kompensim një shumë e përgjithshme prej 142.5 euro (bruto). Kompensimi do të bëhet çdo muaj pas dorëzimit të listave të nënshkruara të paraqitjes në vendin e punës praktike.

Mënyra e aplikimit:

Kandidatët e interesuar duhet të:

• Plotësojnë Formularin e Aplikimit KËTU.
• Bashkangjesin CV-në e tyre me informatat e kontaktit në Formularin e Aplikimit (maksimumi 1 faqe, në gjuhën angleze, shqipe ose serbe, që përmban informacione në lidhje me kualifikimet e nevojshme dhe të dëshirueshme);

Afati i fundit për aplikim është 14 maj 2025.

Pyetjet duhet të dërgohen në: [email protected].

Procesi i përzgjedhjes do të bëhet nga D+ në bashkëpunim të ngushtë me OSBE-në.

*Kandidatët e përzgjedhur në listën e ngushtë mund të ftohen për një intervistë plotësuese me institucionet ose OSHC-të partnere lokale.