Ftojmë të rinjtë nga Kosova të aplikojnë për të marrë pjesë në Kampin Rinor për Inteligjencën Artificiale dhe Demokracinë, një program intensiv treditor që kombinon ligjërata, diskutime interaktive dhe punë praktike.

📍 Hotel Trofta, Istog
📅 22–24 Maj 2026

Gjatë kampit, pjesëmarrësit do të kenë mundësi të:

• kuptojnë konceptet bazë të inteligjencës artificiale dhe ndikimin e saj në shoqëri;
• analizojnë rreziqet e dezinformimit, deepfake-ve dhe manipulimit digjital;
• diskutojnë mbi etikën, transparencën dhe rregullimin e IA-së;
• eksplorojnë rolin e IA-së në zgjedhje dhe proceset demokratike;
• zhvillojnë ide konkrete për angazhim qytetar dhe projekte inovative.

Kush mund të aplikojë?

• Të rinjtë e moshës 18–25 vjeç;
• Studentë, aktivistë, anëtarë të organizatave rinore apo të interesuar për politikë, teknologji dhe media;
• Persona të motivuar për të kontribuar në forcimin e demokracisë në Kosovë.

Çfarë ofrohet?

• Akomodimi dhe ushqimi për të gjitha ditët e kampit;
• Transporti i organizuar;
• Materialet trajnuese dhe pjesëmarrja në të gjitha sesionet;
• Certifikatë pjesëmarrjeje.

Si të aplikoni?

Plotësoni formularin e aplikimit në linkun:
https://forms.gle/ufS4RUBNJyPTKHgJA

Afati i fundit për aplikim: 10 maj 2026

Vetëm kandidatët e përzgjedhur do të kontaktohen.

Ky aktivitet organizohet nga Democracy Plus (D+) me mbështetje të Konrad Adenauer Foundation (KAS).