A je e/i interesuar të kuptosh më shumë për ndikimin e lajmeve të rreme në proceset zgjedhore dhe të pajisesh me aftësi për t’i kundërshtuar ato? Atëherë kemi mundësinë e duhur për ty! Democracy Plus (D+) organizon një bootcamp tre-ditor që mbulon këto tema. Gjatë këtij kampi interaktiv, pjesëmarrësit do të trajnohen për të identifikuar, kuptuar dhe luftuar lajmet e rreme gjatë zgjedhjeve. Programi përfshin sesione praktike, punë në grup dhe krijim të fushatave informuese.

Bootcamp-i do të mbahet në Lakeside Hotel në Vërmicë – Prizren, nga 18 deri më 20 qershor 2025. Aktiviteti do të zhvillohet në gjuhën shqipe dhe thirrja është e hapur për të gjithë të rinjtë të moshës 18-24 vjeç.

Pjesëmarrja në bootcamp është falas. D+ do të mbulojë të gjitha shpenzimet që kanë të bëjnë me akomodimin, ushqimin dhe transportin.

Për të aplikuar në bootcamp, kliko këtu.

Afati i fundit për aplikim është 10 qershor 2025.

Ky aktivitet mbështetet nga Bashkimi Evropian dhe rrjeti rajonal SEE Check Network.