Demokraci Plus (D+) fton studentët e drejtimit të Gazetarisë të aplikojnë në programin që synon të përgatisë gazetarët e rinj për të monitoruar shpenzimin e parasë publike përmes procedurave të prokurimit publik.

Rreth 20 studentë do të përzgjidhen për të marrë pjesë në një punëtori dyditore mbi monitorimin e prokurimit publik. Përmes punëtorisë tre (3) prej tyre do të angazhohen, për një periudhe praktike tre mujore në D+, ku do të përgatisin dhe publikojnë nga një artikull hulumtues në lidhjen e kontratave publike.

Për këtë qëllim, programi përbëhet nga dy faza:

Faza I – Punëtori dyditore

Rreth 20 studentë/e të drejtimit të Gazetarisë do të përzgjedhen për të marrë pjesë në një punëtori dyditore, ku do të mësojnë:

• Si të analizojnë tenderët publikë përmes qasjes së gazetarisë hulumtuese.
• Si të identifikojnë parregullsi dhe rreziqe për korrupsion në proceset e prokurimit.
• Si të përdorin platformën e e-Prokurimit për hulumtim të bazuar në të dhëna.
• Si të njohin indikatorët e rrezikut (“red flags”) që mund të sinjalizojnë shkelje të integritetit.
• Si të analizojnë dokumente publike për qëllime të raportimit hulumtues.

Faza II – Praktikë për tre (3) studentët e përzgjedhur

Pas përfundimit të punëtorisë, tre (3) pjesëmarrës do të përzgjidhen nga grupi i pjesëmarrësve, bazuar në angazhimin dhe performancën e treguar gjatë punëtorisë, për një praktikë tre (3) muajshe (maj-korrik 2026) në D+, me kompensim mujor në vlerë prej 190.48 € (Bruto).

Gjatë praktikës, nën mentorimin e hulumtuesve të D+, studentët do të angazhohen që:

• Të hulumtojnë procedura të prokurimit publik me potencial për parregullsi.
• Të analizojnë dokumente tenderuese për qëllime të raportimit investigative.
• Të identifikojnë rreziqe për korrupsion dhe mungesë të integritetit në proceset e prokurimit.
• Të përgatisin dhe të publikojnë në D+ nga një artikull hulumtues mbi prokurimin publik.

Kush mund të aplikojë?

Studentë të drejtimit të Gazetarisë (që shprehin interesim në gazetari hulumtuese dhe monitorim të institucioneve publike).

Detajet kryesore

• Afati i aplikimit: 7 prill, 2026
• Punëtoria: 24 – 25 prill, 2026
• Lokacioni: TBC
• Praktika (3 muaj): maj – korrik 2026 (për 3 pjesëmarrësit e përzgjedhur)

Aplikimi

Apliko online: Kliko këtu

Vetëm kandidatët e përzgjedhur do të kontaktohen.

Deklaratë mohuese

Kjo thirrje është publikuar me mbështetje financiare të Bashkimit Evropian. Përmbajtja e saj është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Rritja e transparencës, llogaridhënies dhe efikasitetit në shpenzimin e parasë publike përmes prokurimit publik në Kosovë” i financuar nga Bashkimi Evropian, zbatohet nga D+.