A je e/i bindur se transparenca dhe integriteti janë çelësi për një shoqëri më të drejtë? A beson se të rinjtë kanë fuqinë të ndryshojnë rrjedhën e ngjarjeve dhe të ndërtojnë institucione që i shërbejnë qytetarit? Atëherë, kjo thirrje është për ty!

Democracy Plus, në bashkëpunim me Agjencinë për Parandalimin e Korrupsionit (APK) dhe me përkrahjen e Ambasadës së Kanadasë në Kroaci dhe Kosovë, për herë të dytë organizon Shkollën për Integritet dhe Parandalim të Korrupsionit 2026 – një program inovativ i cili synon t’i pajisë studentët e rinj me njohuri të thelluara, mjete praktike dhe aftësi kritike për të promovuar llogaridhënie dhe qeverisje të mirë.

Çka do të përfitosh nga kjo shkollë?

• Trajnime dhe sesione intensive nga ekspertë vendorë të fushës së drejtësisë, administratës publike, politikave dhe gazetarisë.
• Punëtori interaktive ku do të simulohet procesi i vendimmarrjes, sfidat e integritetit dhe situata të jetës reale.
• Vizita në institucione publike dhe takime me zyrtarë që punojnë drejtpërdrejt në parandalimin e korrupsionit.
• Mundësi rrjetëzimi me studentë dhe profesionistë që ndajnë të njëjtat vlera për integritet dhe shoqëri të drejtë.

Mundësi unike për praktikë

Pjesëmarrja në këtë program nuk përfundon vetëm me sesionet mësimore. Katër studentët më të dalluar do të kenë mundësinë të zhvillojnë praktikë në Agjencinë për Parandalimin e Korrupsionit (APK), duke marrë përvojë të drejtpërdrejtë në institucionin kyç që mbron integritetin në Kosovë.

Kriteret e pranimit

• Mosha: 20–25 vjeç.
• Të regjistruar në vitin e fundit të studimeve Bachelor ose në program Master në universitetet e Kosovës, në drejtimet: Juridik, Shkenca Politike, Ekonomi ose Gazetari.
• Të keni interesim të dëshmuar për qeverisje, drejtësi, administratë publike ose fusha të ngjashme.
• Të jeni të përkushtuar të ndiqni të gjitha sesionet dhe të merrni pjesë aktive.

Detajet kryesore

• Afati i aplikimit: 20 janar 2026
• Datat e programit: Shkolla do të mbahet në njërën nga fundjavat e muajit shkurt.
• Lokacioni: TBC
• Linku për aplikim: Kliko Këtu

Ky është shansi yt për të mësuar nga ekspertët, për të ndërtuar lidhje profesionale dhe për të hedhur hapat e parë drejt një karriere ku integriteti vlerësohet mbi gjithçka.

Mos e humb këtë mundësi – apliko tani dhe bëhu pjesë e Shkollës për Integritet dhe Parandalim të Korrupsionit 2026!