Demokraci Plus (D+) në kuadër të projektit “Rritja e transparencës, llogaridhënies dhe efiçiencës në shpenzimin e parasë publike përmes prokurimit publik në Kosovë” i financuar nga BE, shpall thirrje të hapur për shkrimin e dy (2) artikujve hulumtues nga dy (2) gazetarë/e me përvojë në trajtimin e temave të prokurimit publik në Kosovë.

Kriteret e përgjithshme për kualifikim:

• Gazetari/ja duhet të ketë të ketë përvojë në shkrimin e artikujve hulumtues (investigativ) në fushën e prokurimit publik;
• Artikulli duhet të shkruhet për një tender në të cilin ka të gjetura konkrete dhe interesante, pra artikulli duhet të jetë investigativ dhe jo përshkrues i procedurave;
• Tema e artikullit nuk duhet të jetë e trajtuar më parë nga ndonjë gazetar, medium apo organizatë joveqeritare;
• Tema e propozuar nga gazetari/ja duhet të dakordohet me D+ para se ai/ajo të fillojë shkrimin;
• Artikulli duhet të jetë në mes të 1000-1500 fjalë dhe i shkruar në gjuhën shqipe;
• Artikulli duhet të publikohet në gjuhën shqipe në mediumin ku punon gazetari/ja në emër të gazetarit/es me një deklaratë mohuese të dërguar nga D+;

Mënyra e aplikimit:

• CV;
• Dy mostra (shkrime) të mëparshme në fushën e prokurimit publik;
• Gazetari/ja duhet të dërgojë dy (2) propozime të temave me një elaborim të shkurtër se si do të zhvillohet artikulli më tutje, në email adresën [email protected], deri më 23.08.2024.

Kohëzgjatja:

• Drafti i artikullit duhet të dorëzohet brenda 20 ditësh nga momenti i përzgjedhjes së temës në bashkëpunim me D+;
• Artikulli final duhet të dorëzohet 10 ditë pas dhënies së komenteve nga D+ në draftin e paraprak të artikullit.

Kompensimi:

• Pas aprovimit të artikullit nga D+ dhe BE dhe pas publikimit të artikullit në mediumin ku punon gazetari/ja, do të kompensohet me shumë në vlerë prej 476.19 EUR (bruto). D+ do të nënshkruajë kontratë për shërbime me gazetarin/en e angazhuar për këtë qëllim.

Deklaratë mohuese:

Kjo thirrje është publikuar me mbështetje financiare të Bashkimit Evropian. Përmbajtja e saj është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Rritja e transparencës, llogaridhënies dhe efiçiencës në shpenzimin e parasë publike përmes prokurimit publik në Kosovë” i financuar nga Bashkimi Evropian, zbatohet nga Demokraci Plus (D+).