01.10.2024

Tri zyrtare ligjore fillojnë punën për ofrimin e Ndihmës Juridike Falas për qytetarët!

Sot kanë filluar zyrtarisht punën tri zyrtare ligjore që do të ofrojnë ndihmë juridike falas për qytetarët, në kuadër të një bashkëpunimi mes Demokraci Plus (D+) dhe Agjencisë për Ndihmë Juridike Falas (ANJF).

Zyrtaret ligjore do të trajtojnë rastet administrative të qytetarëve që kërkojnë kompensim për dëmet e shkaktuara nga autoritetet publike në tri zyra rajonale të ANJF:

• Prishtinë
• Mitrovicë
• Gjakovë

Ky bashkëpunim ka për qëllim mbrojtjen e të drejtave të qytetarëve dhe përmirësimin e qasjes në drejtësi, duke siguruar mbështetje juridike në rastet e dëmeve të shkaktuara nga autoritetet publike.

Ky angazhim është pjesë e projektit “Promovimi i procedurave të drejta administrative për qytetarë dhe biznese”, të financuar nga zyra e Bashkimit Evropian në Kosovë.