Demokraci Plus (D+), në partneritet me Misionin e OSBE-së në Kosovë, janë duke implementuar programin e punës praktike në nivel lokal, që ka për qëllim promovimin e pjesëmarrjes së të rinjëve në proceset e vendimmarrjes dhe politikëbërjes përmes një qasjeje të pjesëmarrjes ndërvepruese të bazuar në parimin “të mësosh duke bërë” dhe të pajisjes së tyre me aftësi e njohuri të përshtatshme që mund të barten tek të tjerët.

Këtë vit, në bashkëpunim të ngushtë me institucionet komunale dhe organizatat partnere të shoqërisë civile (OSHC), OSBE do të mbështesë organizimin e një programi pesëmujor të punës praktike për 15 të rinj dhe të reja të moshës 20 deri në 24 vjeç. Programi synon që t’i afrojë të rinjtë dhe të rejat me institucionet e pushtetit lokal dhe OSHC-të përkatëse, duke i angazhuar ata drejtpërsëdrejti në proceset pjesëmarrëse dhe në proceset e vendimmarrjes dhe politikëbërjes në nivel lokal.

Në bazë të profileve dhe interesave të aplikuesve dhe duke marrë parasysh nevojat e institucioneve dhe organizatave partnere, praktikantët/et e përzgjedhur do të vendosen nëpër zyra/divizione/drejtori të ndryshme të komunave dhe OSHC-ve partnere në mbarë Kosovën. Institucionet/organizatat partnere do të ftohen që të emërojnë mbikëqyrës të cilët/cilat do ta orientojnë dhe monitorojnë punën e praktikantëve/eve gjatë tërë periudhës sa do të zgjasë puna praktike.

Synimi:

Programi i punës praktike synon t’u mundësojë 15 të rejave dhe të rinjve që të fitojnë përvojë profesionale përkatëse në proceset e vendimmarrjes dhe politikëbërjes në nivel lokal përmes një programi pesëmujor të punës praktike në institucionet e pushtetit lokal dhe OSHC-të partnere të përzgjedhura.

Detyrat:

Varësisht nga natyra e punës dhe drejtoritë/divizionet/sektorët e institucioneve të pushtetit lokal ose OSHC-ve partnere, praktikantët/et do të kenë për detyrë që të:

–  Ndihmojnë në:

• • përpilimin e opinioneve dhe komenteve për propozimet e politikave;
  • përgatitjen e raporteve të brendshme dhe të jashtme;
  • kryerjen e proceseve të brendshme të planifikimit, monitorimit dhe vlerësimit;
  • zbatimin e projektit(eve) dhe nismave;
  • kryerjen e hulumtimeve dhe analizave nga zyra.
  • Hartojnë një plan për komunikim të rregullt me mbikëqyrësin/koordinatorin e caktuar të programit;
  • Kryejnë detyra të tjera të caktuara nga mbikëqyrësi/koordinatori i emëruar i programit;
  • Të marrin pjesë në dy trajnimet e oganizuara si pjesë e programit.

Rezultatet e pritshme:

• Deri më 10 qershor të vitit 2024, praktikanti/ja i/e përzgjedhur, në koordinim me mbikëqyrësin/en, duhet të dorëzojë një plan pune me një përshkrim të hollësishëm të detyrave, përgjegjësive dhe rezultateve;
• Deri më 31 tetor të vitit 2024, praktikanti/ja i/e përzgjedhur duhet të paraqesë një raport përfundimtar të vetëvlerësimit në kuadër të të cilit praktikanti/ja duhet të reflektojë në mënyrë kritike për përvojën e tij/saj, si dhe për rëndësinë e programit për avancimin e tij/saj profesional/angazhimin qytetar;
• Deri më 31 tetor të vitit 2024, praktikanti/ja i/e përzgjedhur duhet të plotësojë anketën përfundimtare për programin e punës praktikës;
• Në fund të secilit muaj të praktikës, praktikanti/ja e i/e përzgjedhurnë koordinim me mbikëqyrësin, duhet të dorëzojnë një listë të pjesëmarrjes (attendance sheet), të nënshkruar nga të dytë, praktikanti/ja dhe mbikëqrësi/ja, të cilat konfirmojnë datat dhe kohët kur praktikanti/ja ka qenë prezent në punë;
• Praktikanti/ja i/e përzgjedhur duhet të dorëzojë një raport mujor të shkruar, me anë të të cilit e njofton D+ për punët e kryera përgjatë muajit.

Treguesit e performancës:

• Praktikanti/ja respekton orarin e punës me kohë të pjesshme, sipas planit të punës të dakorduar me mbikëqyrësin/koordinatorin e programit;
• Praktikanti/ja merr pjesë në dy trajnimet e organizuara;
• Praktikanti/ja tregon rezultatet e kërkuara (p.sh., plani i punës, raporti përfundimtar, anketa përfundimtare);
• Praktikanti/ja dëshmon njohuri dhe interes të shtuar për proceset e pjesëmarrjes dhe vendimmarrjes në nivel lokal.

Vendndodhja:

Kandidatët e përzgjedhur do të punojnë në institucione të përzgjedhura të pushtetit lokal dhe OSHC-ve partnere, ku do t’u sigurohet hapësira dhe materiali i nevojshëm për punë, sipas dëshirës.

Kohëzgjatja:

Programi i punës praktikës do të zgjasë pesë muaj (qershor-tetor 2024).

Kandidatët e përzgjedhur duhet të paraqiten në institucionet/organizatat ku do të kryejnë praktikën të paktën 14 ditë pune në muaj, për jo më pak se katër orë në ditë

Kualifikimet e nevojshme:

• Të jetë i/e moshës 20 deri në 24 vjeç me rastin e paraqitjes së aplikimit;
• Të jetë i/e regjistruar si student në një program universitar;
• Të zotërojë shkëlqyeshëm gjuhën shqipe, serbe, ose të dyja gjuhët, në të folur dhe në të shkruar;
• Zotërimi i mirë i gjuhës angleze në të folur dhe në të shkruar konsiderohet përparësi;
• Të ketë njohuri për përdorimin e aplikacioneve të Windows, përfshirë përpunimin Word-in dhe e-mailin;
• Të dëshmojë vetëdije dhe ndjeshmëri ndaj çështjeve gjinore;
• Gatishmëri për të punuar në ekip;
• Të ketë xhirollogari në Kosovë.

Kualifikimet e dëshirueshme:

• Njohuri bazë për mekanizmat e pjesëmarrjes dhe vendimmarrjes publike në nivel lokal;
• Anëtarësi aktuale ose e mëparshme në strukturat rinore (p.sh., këshillat e veprimit rinor lokal, qendrat rinore etj.) dhe/ose organizatat e shoqërisë civile të angazhuara në mënyrë aktive në sektorin rinor;
• Të ketë kontribuar si vullnetar/e dhe/ose aktivist/e rinor në nisma/projekte përkatëse.

Shënim: Edhe D+ edhe OSBE-ja janë të përkushtuar që të promovojnë diversitetin dhe përfshirjen dhe inkurajojnë kandidatët gra dhe burra të rinj të kualifikuar, si dhe kandidatët me aftësi të kufizuara, nga zonat rurale dhe nga radhët e komuniteteve joshumicë ose grupeve të cenueshme që të aplikojnë në programin e punës praktike.

Kompensimi:  

Çdo kandidati/eje të përzgjedhur do t’i jepet si kompensim një shumë e përgjithshme prej 142.5 euro (bruto) për person/muaj për mbulimin e shpenzimeve të transportit. Kompensimi do të bëhet çdo muaj pas dorëzimit të listave të nënshkruara të paraqitjes në vendin e punës praktike.

Mënyra e aplikimit:

Kandidatët e interesuar duhet të:

– Plotësojnë Formularin e Aplikimit KËTU.

– Bashkangjesin CV-në e tyre me informatat e kontaktit në Formularin e Aplikimit (maksimumi 1 faqe, në gjuhën angleze, shqipe ose serbe, që përmban informacione në lidhje me kualifikimet e nevojshme dhe të dëshirueshme);

Afati i fundit për aplikim është 19 maj 2024.

Pyetjet duhet të dërgohen në: [email protected].

Procesi i përzgjedhjes do të bëhet nga D+ në bashkëpunim të ngushtë me OSBE-në.

Kandidatët e përzgjedhur në listën e ngushtë mund të ftohen për një intervistë plotësuese me institucionet ose OSHC-të partnere lokale.

29.04.202

D+ në kuadër të projektit “Promovimi i procedurave të drejta administrative për qytetarë dhe biznese” ka mbajtur takimin e radhës informues me qytetarët e rajonit të Gjilanit, lidhur me të drejtën e tyre për kompensim në rast të dëmit të shkaktuar nga autoritetet publike.

Gjatë këtij takimi, gjyqtari Kreshnik Kaçiu informoi qytetarët lidhur me rolin e Departamentit për Çështje Administrative në Gjykatën Themelore në Prishtinë, si dhe me ndryshimet qe do të sjelli hyrja ne fuqi e Ligjit të ri për Konfliktet Administrative.

Ndërsa, përfaqësuesi nga Agjencia për Ndihmë Juridike Falas, z. Sadullah Salihu njoftoi pjesëmarrësit për fushëveprimin dhe rastet të cilat trajtohen nga ana e kësaj agjencie.

Demokraci Plus dhe BIRN Kosova kanë mbajtur sesionin informues me të rinjtë e shkollave të mesme në Komunën e Prizrenit, përkatësisht Shkollën e Mesme të Mjekësisë “Luciano Motroni” dhe Gjimnazin “Gjon Buzuku”.

Qëllimi i sesionit informues ishte ofrimi i njohurive dhe informatave për të rinjtë lidhur me identifikimin e lajmeve të rreme, mënyrat e trajtimit të tyre si dhe procedurat e raportimit.

Këto njohuri u pasqyruan përmes platformës https://fakenews.dplus.org/, ku pjesëmarrësit u njoftuan detajisht për funksionimin e mediave, trajtimin e lajmeve të rreme dhe identifikimin e ‘deep fake’ teknologjisë.

Ky aktivitet financohet nga UNMIK.

Demokraci Plus (D+) është në kërkim të dy (2) koordinatorëve të terrenit për t’u angazhuar në kuadër të projektit “Aktiviteti Kontrata Sociale” të USAID, për komunat në vijim:

• Graçanicë (1)
• Kllokot (1)

Projekti “Aktiviteti Kontrata Sociale” i USAID synon të mbështesë praktika të qëndrueshme për pjesëmarrje publike për përmirësim të cilësisë së jetës së qytetarëve të Kosovës dhe të fuqizojë partneritetin e tyre me qeverinë komunale. Kjo do të arrihet përmes përpjekjeve për të përfshirë qytetarët në hartimin, monitorimin dhe zbatimin e politikave dhe programeve në nivel lokal.

Përgjegjësitë e punës:

• Identifikimi i grupeve të ndryshme të interesit (këshilla të veprimit rinor lokal, këshilla lokale, shoqata, organizata të shoqërisë civile, grupe jo-formale, etj.) dhe bashkëpunimi i rregulltë me përfaqësues të tyre;
• Krijimi dhe mirëmbajtja e kontakteve konstruktive me grupet e interesit të cekura më lartë;
• Hartimi dhe mirëmbajtja e databazës me kontaktet e udhëheqësve në komunitet;
• Organizimi i takimeve të rregullta me qytetarë, përfshi grupet e interesit të cekura më lartë;
• Angazhimi i qytetarëve për të identifikuar dhe zbatuar praktika efektive të pjesëmarrjes publike;
• Promovimi dhe nxitja e qytetarëve për të përdorur mekanzimat ekzistues për ndërveprim me komunën, përfshirë përdorimin e platformave online, organizimin në grupe jo-formale etj.;
• Përgjegjësi të tjera sipas nevojës që ndërlidhen me punën e organizimit të qytetarëve në nivel lokal.

Kriteret bazë:

Kandidati/ja duhet të jetojë në komunën për të cilën aplikon dhe duhet të jetë njohës/e i/e mirë e organizimit të komunitetit përkatës. Pozita kërkon angazhim të vazhdueshëm brenda komunës përkatëse, si dhe takime periodike në zyren kryesore të D+ në Prishtinë.

Kualifikim dhe shkathtësitë:

• Të ketë përvojë paraprake me punë me qytetarë dhe komuna, në fushën e rritjes së angazhimit qytetarë në pjesëmarrje publike;
• Të ketë njohuri të komunitetit të komunës përkatëse (shoqatat dhe grupet e ndryshme të interesit), në lagjet urbane dhe zonat rurale;
• Të ketë aftësi të mira të komunikimit verbal dhe në të shkruar;
• Të ketë të përfunduar të paktën studimet Bachelor, preferohet në ndonjërën nga shkencat sociale;

Përparësi kanë kandidatët që:

• E njohin ndonjërën nga gjuhët e komuniteteve jo-shumicë që jetojnë në komunën përkatëse.
• Kanë patent shofer.

Dokumentet për aplikim:

• CV
• Letër motivuese, ku përshkruhet përvoja e mëhershme me mobilizim të komunitetit si dhe si do të përdoret kjo përvojë në përmbushjen e suksesshme të detyrave të punës.

Orari i punës: hënë – premte, 09:00 – 17:00.

Kandidatët duhet të jenë të gatshëm t’i nënshtrohen trajnimeve profesionale në lidhje me detyrat e punës së tyre. Ata duhet të kenë vlera të larta morale dhe përgjegjësi profesionale dhe të zotohen për të shërbyer paanshëm, në përputhje me statutin dhe rregulloret e D+.

Dokumentet e kërkuara duhet të dërgohen vetëm me email, në adresën [email protected], deri me datën 02.05.2024, në orën 17:00, me titull të email-it (subject line) “Koordinator për terren”. Vetëm kandidatët që hyjnë në listën e ngushtë do të ftohen në intervistë.

Përzgjedhja e kandidatëve do të bëhet duke u bazuar në një numër kriteresh, duke përfshirë përvojën e mëhershme, nivelin e njohjes së komunitetit dhe grupeve nën-përfaqësuara të ndryshme të interesit, aftësitë e komunikimit, dhe motivimin për punë. Rëndësi e veçantë do t’i kushtohet edhe nivelit të aktivizmit qytetarë të vet aplikuesit, si dhe motivimit për të nxitur qytetarët e tjerë për të qenë aktiv në procese politikëbërëse në nivel lokal. D+ mirëpret aplikimet e personave nga komunitetet e nën-përfaqësuara, duke përfshirë por pa u kufizuar në personat me aftësi të kufizuara, të rinjtë, gratë, nënat vetushqyese si dhe komuniteti LGBTIQA+.