Demokraci Plus (D+) është në kërkim të një koordinatori të terrenit për t’u angazhuar në kuadër të projektit “Aktiviteti Kontrata Sociale” të USAID, për:

Kamenicë (1)

Projekti “Aktiviteti Kontrata Sociale” i USAID synon të mbështesë praktika të qëndrueshme për pjesëmarrje publike për përmirësim të cilësisë së jetës së qytetarëve të Kosovës dhe të fuqizojë partneritetin e tyre me qeverinë komunale. Kjo do të arrihet përmes përpjekjeve për të përfshirë qytetarët në hartimin, monitorimin dhe zbatimin e politikave dhe programeve në nivel lokal.

Përgjegjësitë e punës:

• Identifikimi i grupeve të ndryshme të interesit (këshilla të veprimit rinor lokal, këshilla lokale, shoqata, organizata të shoqërisë civile, grupe jo-formale, etj.) dhe bashkëpunimi i rregulltë me përfaqësues të tyre;
• Krijimi dhe mirëmbajtja e kontakteve konstruktive me grupet e interesit të cekura më lartë;
• Hartimi dhe mirëmbajtja e databazës me kontaktet e udhëheqësve në komunitet;
• Organizimi i takimeve të rregullta me qytetarë, përfshi grupet e interesit të cekura më lartë;
• Angazhimi i qytetarëve për të identifikuar dhe zbatuar praktika efektive të pjesëmarrjes publike;
• Promovimi dhe nxitja e qytetarëve për të përdorur mekanzimat ekzistues për ndërveprim me komunën, përfshirë përdorimin e platformave online, organizimin në grupe jo-formale etj.;
• Përgjegjësi të tjera sipas nevojës që ndërlidhen me punën e organizimit të qytetarëve në nivel lokal.

Kriteret bazë:

Kandidati/ja duhet të jetojë në komunën e Kamenicës dhe duhet të jetë njohës/e i/e mirë e organizimit të komunitetit në komunën e Kamenicës. Pozita kërkon angazhim të vazhdueshëm brenda komunës së Kamenicës, si dhe takime periodike në zyren kryesore të D+ në Prishtinë.

Kualifikim dhe shkathtësitë:

• Të ketë përvojë paraprake me punë me qytetarë dhe komuna, në fushën e rritjes së angazhimit qytetarë në pjesëmarrje publike;
• Të ketë njohuri të komunitetit të komunës përkatëse (shoqatat dhe grupet e ndryshme të interesit), në lagjet urbane dhe zonat rurale;
• Të ketë aftësi të mira të komunikimit verbal dhe në të shkruar;
• Të ketë të përfunduar të paktën studimet Bachelor, preferohet në ndonjërën nga shkencat sociale;
Përparësi kanë kandidatët që:
• E njohin ndonjërën nga gjuhët e komuniteteve jo-shumicë që jetojnë në komunën përkatëse.
• Kanë patent shofer.

Dokumentet për aplikim:

• CV
• Letër motivuese, ku përshkruhet përvoja e mëhershme me mobilizim të komunitetit si dhe si do të përdoret kjo përvojë në përmbushjen e suksesshme të detyrave të punës.

Orari i punës: hënë – premte, 09:00 – 17:00.

Kandidatët duhet të jenë të gatshëm t’i nënshtrohen trajnimeve profesionale në lidhje me detyrat e punës së tyre. Ata duhet të kenë vlera të larta morale dhe përgjegjësi profesionale dhe të zotohen për të shërbyer paanshëm, në përputhje me statutin dhe rregulloret e D+.

Dokumentet e kërkuara duhet të dërgohen vetëm me email, në adresën [email protected], deri me datën 03.04.2024, në orën 17:00, me titull të email-it (subject line) “Koordinator për terren”. Vetëm kandidatët që hyjnë në listën e ngushtë do të ftohen në intervistë.

Përzgjedhja e kandidatëve do të bëhet duke u bazuar në një numër kriteresh, duke përfshirë përvojën e mëhershme, nivelin e njohjes së komunitetit dhe grupeve nën-përfaqësuara të ndryshme të interesit, aftësitë e komunikimit, dhe motivimin për punë. Rëndësi e veçantë do t’i kushtohet edhe nivelit të aktivizmit qytetarë të vet aplikuesit, si dhe motivimit për të nxitur qytetarët e tjerë për të qenë aktiv në procese politikëbërëse në nivel lokal. D+ mirëpret aplikimet e personave nga komunitetet e nën-përfaqësuara, duke përfshirë por pa u kufizuar në personat me aftësi të kufizuara, të rinjtë, gratë, nënat vetushqyese si dhe komuniteti LGBTIQA+.

Demokraci Plus së bashku me BIRN Kosova, kanë mbajtur sesionin informues me të rinjtë e Graçanicës. Ky sesion ka për qëllim të njoftoi të rinjtë më shumë në lidhje me identifikimin e lajmeve të rreme, mënyrat e trajtimit të tyre si dhe procedurat e raportimit.

Ky aktivitet mbështetet nga UNMIK.

Demokraci Plus (D+) është duke zbatuar projektin “Përmirësimi i komunikimit në përballjen e çështjeve të ndërlidhura me të kaluarën ndërmjet OSHC-ve me bazë në komunitet dhe autoriteteve komunale”, në kuadër të  projektit rajonal i financuar nga BE “Mbështetja  e BE-së për Ndërtimin e Besimit në Ballkanin Perëndimor”, i implementuar nga Programi i Kombeve të Bashkuara për Zhvillim (UNDP).

Në kuadër të zbatimit të këtij projekti, D+ kërkon të identifikojë kompani/grup ekspertësh të cilat ofrojnë shërbime të trajnimeve për ngritje të kapaciteteve për 10 organizata të shoqërisë civile me bazë në komunitet të cilat punojnë në qasje në drejtësi dhe drejtësi tranzicionale në Kosovë.

Kushtet për pjesëmarrje:

Të gjitha subjektet e interesuara duhet të dorëzojnë ofertën e tyre, në përputhje me kushtet e përgjithshme të kësaj ftese, më së largu deri më 22 mars 2024, në email adresën: [email protected], ose në adresën postare: Rr. Bajram Kelmendi, Nr. 92, Kati IV, 10,000 Prishtinë, Republika e Kosovës.

Specifikimet teknike:

Për përzgjedhjen e subjektit fitues për ofrimin e trajnimeve, D+ do të zhvillojë procedurën e prokurimit sipas përshkrimit në tabelën e mëposhtme:

Ofrimi i këtij shërbimi ofrohet për periudhën prill-qershor 2024. Datat e sakta do të përcaktohen në kontratën e lidhur me subjektin fitues.

Kushtet e përgjithshme:

1. Subjektet të jenë të kualifikuara për ofrimin e shërbimeve të trajnimeve;
2. Subjektet duhet të ofertojnë me CV-të relevante të trajnerëve të kualifikuar për secilën nga temat e specifikuara në tabelën e mësipërme;
3. Pas nënshkrimit të kontratës dhe para mbajtjes së trajnimit, duhet të paraqitet kurrikula e modulit dhe të ofrohen detaje për kapitujt që do të mbulohen.
4. Me rastin e përfundimit të trajnimit, trajneri duhet të dorëzoj raportin final për trajnimin e mbajtur.
5. Pagesa e subjektit kryhet me transfertë bankare pas marrjes së shërbimit dhe lëshimit të faturës së rregulltë;
6. Dorëzimi i ofertës mund të bëhet deri më datën 22 mars 2024, në email adresën: [email protected], ose në adresën postare: Rr. Bajram Kelmendi, Nr. 92, Kati IV, 10,000 Prishtinë, Republika e Kosovës.

Në ofertën e tij, subjekti ofertues duhet të paraqesë të dhënat e plota të personit të autorizuar, dhe krahas ofertës financiare, duhet të paraqesë edhe dokumentet e mëposhtme:

1. Dëshmi të regjistrimit në ARBK (për kompani);
2. Ofertën financiare sipas tabelës më sipër;
3. Numrin e xhirollogarisë së subjektit.

 

Operatori që ofron shërimin me çmimin më të ulët dhe në përputhje me specifikat e mësipërme, do të njoftohet për të proceduar me nënshkrimin e kontratës.

Shkarkoni termat e referencës këtu.