Shkeljet e procedurave administrative: Rastet me grantet e fermerëve

Kompensimi për dëmet ndaj fermerëve – si po i sfidojnë ata autoritetet publike në gjykatë? 

Raporti ynë i fundit trajton sfidat ligjore dhe procedurale që po hasin fermerët në kërkim të realizimit të të drejtave të tyre, duke kundërshtuar vendimet e Ministrisë së Bujqësisë dhe Agjencisë për Zhvillimin Rural. 

Në të dy rastet e monitoruara në Gjykatën Themelore në Prishtinë – Departamenti për Çështje Administrative, gjykata ka anuluar vendimet e këtyre institucioneve për shkak të shkeljeve procedurale, duke theksuar se mosrespektimi i ligjit nga administrata shtetërore mund të shkaktojë dëme serioze për qytetarët, bizneset dhe vetë shtetin.