Demokraci Plus në bashkëpunim me CoDe kanë organizuar tryezën me temën “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”.

Qëllimi i kësaj tryeze është hapja e një forumi diskutimi rreth sfidave dhe mundësive të grupeve jo formale të grave në legjislaturën e re për të ndikuar në politik bërje në nivel lokal. Gjithashtu po diskutohet për nevojën për rritje të angazhimit të këshilltareve komunale për avokim për barazi gjinore dhe përfshirje më të madhe të komunitetit në qeverisje lokale.

Në panelin diskutues janë duke marrë pjesë përfaqësues nga institucione të nivelit qendror dhe lokal si dhe aktivistë të shoqërisë civile që promovojnë përfshirjen e grave në jetën politike.

Ky aktivitet mbështetet nga Avancojmë Kosovën së Bashku/USAID në kuadër të projektit “Ngritja e Kapaciteteve të Grupeve Jo Formale të Grave”.