Demokraci Plus
Ne jemi organizatë e pavarur dhe jofitimprurëse e themeluar në vitin 2016 me përkushtimin për të ndërtuar një shoqëri demokratike në Kosovë. Misioni ynë përqendrohet në rritjen e pjesëmarrjes së qytetarëve në proceset politike, promovimin e llogaridhënies dhe ndikimin në procesin e vendimmarrjes në të gjitha nivelet e qeverisjes. Ne përdorim teknologjinë e informacionit për të avancuar këto përpjekje, duke mbështetur përdorimin e mjeteve digjitale për të demokratizuar dhe modernizuar shoqërinë tonë. Puna jonë kontribuon në krijimin e praktikave të mira të qeverisjes në institucionet publike, si në nivel qendror ashtu edhe lokal, duke forcuar sundimin e ligjit, zhvilluar partitë politike dhe mbështetur procese zgjedhore të lira dhe të ndershme. Përmes hulumtimeve, dialogut publik dhe edukimit, iniciativat tona synojnë të zvogëlojnë hendekun midis vendimmarrësve dhe qytetarëve. Mbi të gjitha, ne mbështesim vlerat dhe praktikat demokratike, duke fuqizuar zërat e qytetarëve të Kosovës dhe duke promovuar një shoqëri më gjithëpërfshirëse dhe pjesëmarrëse.
Vizioni
Qeverisje dhe shoqëri ku kultura dhe vlerat demokratike janë normë.
Misioni
D+ angazhohet për zhvillimin e një shoqërie demokratike, përmes ndikimit në vendimmarrje dhe fuqizimit të pjesëmarrjes qytetare në hartimin dhe zbatimin e politikave publike.
Leart Hoxha
Refki Morina
Diella Rugova Begolli
Valmir Ismaili
Gani Asllani
Albert Krasniqi
Roberta Osmani
Visar Rushiti
Albana Rexha
Elira Salihu
Donika Ahmetaj
Ardit Dragusha
Egzona Kozhani
Rita Sekiraqa
Lura Ajdini
Liridon Elshani
Marigona Berisha
Emir Abrashi
Erëza Qorri
Sijeta Jashari
Leorenta Alija
Projekti "Riciklimi ka rëndësi – Graçanicë" që synon të rrisë kohezionin socio-ekonomik në mes të komuniteteve romë, egjiptian dhe ashkali të cilët bëjnë grumbullimin joformal të mbeturinave, të sektorit privat, të të rinjve dhe të komunës së Graçanicës, duke krijuar modele të qëndrueshme të riciklimit në bashkëpunim me të gjitha grupet e synuara.
Projekti synon të promovojë procedura të drejta administrative për qytetarët dhe bizneset përmes dy objektivave: (1) Adresimi i së drejtës për të kërkuar kompensim në rastet e dëmit të shkaktuar nga organet publike për individët privatë, sipas Ligjit për Marrëdhëniet Detyrimore. (2) Adresimi i sfidave të qytetarëve dhe bizneseve që ballafaqohen me sfida administrative gjatë marrjes së shërbimeve publike, duke ofruar asistencë të drejtpërdrejtë për një grup institucionesh për thjeshtimin e disa shërbimeve dhe dixhitalizimin e shërbimeve përkatëse.
Projekti bën vlerësimin dhe zbatimin e drejtësisë procedurale në të shtatë (7) gjykatat themelore dhe 20 degët e gjykatave në Kosovë. Ofron rekomandime të politikave të bazuara në dëshmi dhe të përshtatura në mënyrë që të përmirësohet zbatimi i drejtësisë procedurale në secilën gjykatë.
Projekti synon të kontribuojë në forcimin e mbikëqyrjes parlamentare, me fokus në zbatimin e legjislacionit. Përmes monitorimit synojmë identifikimin e mangësivë kryesore që pengojnë zbatimin e duhur të ligjeve, identifikojmë faktorët që qëndrojnë pas tyre dhe i adresojmë këto gjetje te Kuvendi i Kosovës për të marrë masat e nevojshme për përmirësimin e situatës. Nëpërmjet programit të praktikës, synojmë fuqizimin e rolit të të rinjve në shoqëri, gjë që bëhet përmes rritjes së aftësive të tyre kërkimore dhe platformës për të diskutuar me përfaqësuesit e zgjedhur dhe për të kërkuar llogaridhënie.