Demokraci Plus (D+) shpallë konkurs për angazhimin e tre (3) praktikantëve të cilët do të asistojnë në punën e tri komisioneve në Kuvendin e Republikës së Kosovës dhe në D+. Programi i praktikës realizohet në kuadër të projektit “Qeverisje e mirë: prokurim publik dhe politik-bërje më e avancuar”, financuar nga Bashkimi Evropian (BE).

Praktikantët do të asistojnë stafin mbështetës të komisioneve parlamentare në kryerjen e aktiviteteve të tyre të përditshme, si dhe hulumtuesit e D+ për çështjet që kanë të bëjnë me zbatimin e projektit përkatës.

Detyrat e punës përfshijnë:

• Asistencë në organizimin e mbledhjeve të komisioneve parlamentare;
• Asistencë në përgatitjen e procesverbaleve dhe transkripteve të mbledhjeve;
• Asistencë në organizimin e dëgjimeve publike;
• Asistencë në hulumtime dhe mbledhje të të dhënave për nevojat e komisionit;
• Organizim të tryezave dhe konferencave;
• Mbajtje të shënimeve në takime dhe ngjarje të ndërlidhura me punën e komisionit;
• Asistim gjatë procesit të hulumtimit në D+;
• Raportim në baza mujore mbi asistencën në komisione dhe në D+;
• Punë të tjera të ngjashme që kërkohen nga stafi i komisionit dhe i D+.

Kriteret e përzgjedhjes së kandidatëve:

1. Të jetë në vitin e fundit të studimeve themelore universitare (në fushat si ekonomik, juridik, shkenca politike);
2. Të ketë njohuri të mirë të gjuhës angleze (përfshirë shkrimin);
3. Të ketë njohuri të mirë punës me Microsoft Word dhe Excel;
4. Të ketë aftësi të larta komunikimi verbale dhe me shkrim.

Dokumentet e nevojshme për aplikim:

1. CV-në; dhe
2. Letër motivimi (max. 250 fjalë).

Kohëzgjatja:

Programi i praktikës do të jetë me pagesë dhe do të zgjasë pesë (5) muaj gjatë vitit 2023. Praktikantët pritet të fillojnë me 1 gusht 2023.

Puna praktike do të jetë me gjysmë orari (nga ora 8:00 – 12:00 apo nga ora 12:00 – 16:00), dhe do të mbahet në Ndërtesën e Kuvendit të Kosovës dhe zyrat e D+ në Prishtinë.

Afati për dorëzimin e aplikacioneve

Afati për dorëzimin e aplikacioneve është 26.07.2023, ora 17:00.

Të interesuarit duhet të dërgojnë aplikacionet në e-mail adresën: [email protected]. Vetëm kandidatët që hyjnë në listën e ngushtë do të kontaktohen për intervistë.

Deklaratë mohimi:

Programi i praktikës realizohet me mbështetje financiare të Bashkimit Evropian. Përmbajtja e këtij konkursi është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Qeverisje e mirë: prokurim publik dhe politik-bërje e avancuar” i financuar nga BE, zbatohet nga Demokraci Plus (D+).