Demokraci Plus me mbështetjen e UNDP Kosovo ka mbajtur punëtorinë me inspektorë të mjedisit nga niveli lokal dhe qendror. Qëllimi i kësaj punëtorie është njoftimi i inspektorëve të mjedisit me kategorinë “Ambienti” në ndreqe.com e cila tash iu mundëson qytetarëve të raportojnë shkeljet mjedisore që i shohin në komunitetin e tyre. Në anën tjetër, platforma do të shfrytëzohet nga inspektorët që të regjistrojnë veprimet e tyre të përditshme për mbrojtjen e mjedisit dhe adresimin e shkeljeve mjedisore që bëhen në fushën e tyre të veprimtarisë.

ndreqe.com mbështetet nga projekti “Kosovo Climate Promise Project” që implementohet nga UNDP Kosovo dhe financohet nga Qeveria e Japonisë.