Artikulli hulumtues mbi dyshimin për falsifikimin e dokumenteve nxit reagimin e Prokurorisë
Departamenti për Krime të Rënda në Prokurorinë Themelore të Gjilanit, në bashkëpunim me Policinë e Kosovës kanë ndaluar të dyshuarin A.K, me dyshimin për keqpërdorim dhe mashtrim në Prokurim Publik.
Ky veprim i Prokurorisë vjen pas punës hulumtuese të gazetarit Taulant Osmani, i cili ishte angazhuar nga Demokraci Plus (D+) në shkrimin e artikullit “Dyshime të forta se tenderi 155 mijë euro u fitua përmes dokumentacionit të falsifikuar”, në kuadër të projektit “Qeverisje e mirë: prokurim publik dhe politik-bërje e avancuar” i financuar nga BE, zbatuar nga D+.
Ky artikull hulumtues hodhi dritë mbi dyshimin se operatori ekonomik “ARF Sh.P.K.”, kishte fituar një tender në vlerë 155 mijë euro në Komunën e Gjilanit, duke prezantuar një dokument zyrtar të lëshuar kinse nga Ministria e Mbrojtjes.
D+ është plotësisht e përkushtuar për rritjen e llogaridhënies dhe forcimin e prokurimit publik, si një nga fushat më të rëndësishme në shpenzimin e parasë publike.
Artikulli i plotë: