Democracy Plus (D+) ka vizituar Komunën e Graçanicës për të filluar bashkëpunimin rreth thjeshtësimit dhe digjitalizimit të disa shërbimeve që ofrohen në këtë komunë. Përfitues direkt të kësaj iniciative për shërbime më efiçiente do të jenë qytetarët dhe bizneset e Graçanicës.

Në takim D+ është pritur nga nënkryetari i Komunës së Graçanicës, z. Leutrim Ajeti, Drejtori i Administratës z. Dragiša Stojanović, dhe Zyrtari për Arsim, z. Skender Thaqi.

Ky aktivitet mbështetet nga zyra e BE-së në Kosovë, në kuadër të projektit “Promovimi i procedurave të drejta administrative për qytetarë dhe biznese”.