Konkurs për Punë hulumtues i/e lartë (1)
Konkurs për Punë
Hulumtues i lartë (1)
Pozita: Hulumtues i/e Lartë
Data e mbylljes së konkursit: 11 gusht 2019
Fillimi i punës: 01 shtator 2019
Demokraci Plus (D+) është në kërkim të një Hulumtuesi/e të Lartë që të angazhohet në Programin e Sundimit të Ligjit. Hulumtuesi/ja i/e Lartë do t’i raportoj Koordinatorit të Programeve dhe do të jetë i/e angazhuar në projektet që kanë të bëjnë me sundimin e ligjit.
Përgjegjësitë:
- Përgatit hulumtime dhe zhvillon analiza në fushën e sundimit të ligjit dhe prokurimit publik;
- Përgatit raporte me metodologji të parapërcaktuar nga organizata;
- Organizon konferenca, seminare dhe takime për qëllime avokuese;
- Përfaqëson organizatën në media dhe ngjarje publike;
- Redakton raporte hulumtuese, deklarata për media dhe letra zyrtare për institutionet publike;
- Sipas nevojës, përkthen materiale në gjuhën angleze dhe anasjelltas;
- Kryen punë tjera që i delegohen nga drejtori ekzekutiv dhe koordinatori i programeve.
Kualifikimet e kërkuara:
- Diplomë universiteti në fushën e shkencave politike, drejtësisë, politikave publike apo të ngjashme;
- Së paku pesë (5) vite përvojë pune në organizata jo-qeveritare (vendore apo ndërkombëtare) apo shërbim civil, veçanërisht në fushën e sundimit të ligjit;
- Njohuri të thelluara apo përvojë pune në fushën e prokurimit publik;
- Përvojë në hartim të projekt-propozimeve;
- Përvojë në menaxhim të projekteve;
- Përvojë në shkrim të raporteve analitike;
- Njohuri të avancuara të gjuhës angleze (në të shkruar dhe në të folur). Njohja e ndonjë gjuhe tjetër lokale përveç asaj amtare është përparësi;
- Nivel të lartë të fleksibilitetit, dhe përkushtim për të punuar në ekip.
Mënyra e aplikimit:
Për të aplikuar, duhet të dorëzoni dokumentet në vijim:
- CV
- Letër motivuese
- Mostër të ndonjë punimi/raporti
Të gjitha dokumentet e kërkuara duhet të dërgohen në: [email protected] me titull: Aplikacioni – Hulumtues i Lartë. Vetëm kandidatët e listës së ngushtë do të kontaktohen dhe më pas do të testohen me shkrim dhe me anë të intervistës.