Lajmet
Ndreqe.com edhe në Komunën e Prizrenit
Kryetari i Komunës së Prizrenit, z. Mytaher Haskuka, sot priti përfaqësuesit e “Demokraci Plus” (D+), me ç’rast u nënshkrua një Memorandum Bashkëpunimi ndërmjet Komunës së Prizrenit dhe D+, me qëllim të përmirësimit të shërbimeve publike nën përgjegjësinë komunale, përmes platformës elektronike, ndreqe.com.
Kjo platformë elektronike, do t’i adresojë ankesat e qytetarëve të Prizrenit tek zyrtarët përgjegjës, duke krijuar kështu një komunikim të drejtpërdrejtë mes Komunës dhe qytetarëve, për t’i shqyrtuar kërkesat dhe ankesat e këtyre të fundit.