Rreth Demokraci Plus

D+ është një organizatë e pavarur, jofitimprurëse, e themeluar nga një grup aktivistësh që besojnë fuqishëm në vlerat demokratike dhe në një Kosovë demokratike. Qëllimi kryesor i organizatës sonë është të mbështesë vlerat dhe praktikat demokratike në fushën e qeverisjes së mirë, sundimit të ligjit, zgjedhjeve dhe partive politike, çështjeve sociale dhe të drejtave të njeriut.

Demokraci Plus (D+) është në kërkim të një kandidati/e për pozitën e Monitorues/e i/e Gjykatës për projektin e financuar nga BE-ja me titullin: Promovimi i procedurave të drejta administrative për qytetarë dhe biznese.

Përshkrim i projektit:

Projekti synon të promovojë procedura të drejta administrative dhe të drejtat që u takojnë qytetarëve dhe bizneseve në procedurë, përmes dy objektivave:

(1) Adresimi i së drejtës për të kërkuar kompensim në rastet e dëmit të shkaktuar nga organet publike për individët privat siç njihet me Ligjin për Marrëdhëniet e Detyrimeve.

(2) Adresimin e sfidave të qytetarëve dhe të bizneseve me barrë administrative gjatë marrjes së shërbimeve publike, duke ofruar asistencë të drejtpërdrejtë për një grup institucionesh për thjeshtimin e disa shërbimeve dhe dixhitalizimin e shërbimeve përkatëse.

Vlerat thelbësore

• Integriteti
• Puna në ekip
• Respekti për diversitetin

Detyrat dhe përgjegjësitë kryesore

• Monitorimi i një sërë rastesh të kundërvajtjeve administrative në gjykatë dhe përgatitja e raporteve në vijim të procesit të monitorimit të rasteve.
• Organizimi i takimeve të ndryshme avokuese me palët kryesore të interesit duke përfshirë Këshillin Gjyqësor të Kosovës, Gjykatat, Zyrtarët Qeveritar dhe komunitetin e biznesit.
• Të asistojë në organizimin e tryezave dhe diskutimeve mbi politikat me akterët përkatës.
• Mbështet realizimin e të gjitha aktiviteteve të parapara në projekt.
• Siguron të dhëna përkatëse për dokumente të ndryshme si analiza/përmbledhje e politikave të zhvilluara gjatë gjithë projektit.

Kualifikimet dhe shkathtësitë për këtë pozitë

Edukimi

• Diplomë universitare në Politika Publike, Juridik, Administratë Publike, Shkenca Politike ose fusha përkatëse.

Përvoja paraprake

• Të paktën tri vite përvojë pune me organizata të tjera të shoqërisë civile, gjykata ose institucione qeveritare.
• Përvojë e mëparshme në bashkëpunim me institucionet qeveritare, akademinë, komunitetin e biznesit dhe/ose gjykatat.
• Përvojë e mëparshme në monitorimin e çështjeve gjyqësore (e preferuar).

Njohja e gjuhëve

• Aftësi në të folur dhe të shkruar në gjuhën shqipe dhe angleze. Njohja e gjuhës serbe është përparësi.

Raportimi

Personi në këtë pozitë i raporton drejtpërdrejtë menaxherit/es së projektit.

Mënyra e aplikimit

Ju lutem dërgoni dokumentet e mëposhtme:

• CV
• Letër motivuese (maksimumi një faqe).
• Tre referenca kontakti nga punët e mëhershme.

Në rekrutimi@dplus-ks.org me titull: Aplikim për pozitën Monitorues/e i/e Gjykatës, Emri dhe Mbiemri, deri më datën 16 mars 2023 në ora 17:00. Vetëm kandidatët e përzgjedhur në listën e ngushtë do të ftohen për intervistë.

Demokraci Plus është një punëdhënës me mundësi të barabarta, i përkushtuar ndaj diversitetit në vendin e punës dhe të ndërmarr veprime për të mbështetur punësimin e grave dhe anëtarëve të komunitetit jo-shumicë.

D+ do t’i trajtojë të gjitha aplikimet me konfidencialitet të plotë.

Deklaratë mohimi:

Kjo thirrje për punë realizohet me mbështetje financiare të Bashkimit Evropian. Përmbajtja e këtij konkursi është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Promovimi i procedurave të drejta administrative për qytetarë dhe biznese.” i financuar nga BE, zbatohet nga Demokraci Plus (D+).