Rreth Demokraci Plus

D+ është një organizatë e pavarur, jofitimprurëse, e themeluar nga një grup aktivistësh që besojnë fuqishëm në vlerat demokratike dhe në një Kosovë demokratike. Qëllimi kryesor i organizatës sonë është të mbështesë vlerat dhe praktikat demokratike në fushën e qeverisjes së mirë, sundimit të ligjit, zgjedhjeve dhe partive politike, çështjeve sociale dhe të drejtave të njeriut.

Demokraci Plus (D+) po kërkon të angazhojë dy hulumtues/e të politikave me përvojë në fushën e reformës/dixhitalizimit të administratës publike në kuadër të projektit të financuar nga BE me titull: Promovimi i procedurave të drejta administrative për qytetarë dhe biznese.

Përshkrim i projektit:

Projekti synon të promovojë procedura të drejta administrative dhe të drejtat që u takojnë qytetarëve dhe bizneseve në procedurë, përmes dy objektivave:

(1) Adresimi i së drejtës për të kërkuar kompensim në rastet e dëmit të shkaktuar nga organet publike për individët privatë siç njihet me Ligjin për Marrëdhëniet e Detyrimeve.

(2) Adresimin e sfidave të qytetarëve dhe të bizneseve me barrë administrative gjatë marrjes së shërbimeve publike, duke ofruar asistencë të drejtpërdrejtë për një grup institucionesh për thjeshtimin e disa shërbimeve dhe dixhitalizimin e shërbimeve përkatëse.

Vlerat thelbësore

• Integriteti
• Respekti
• Profesionalizmi

Përgjegjësitë kryesore:

(1) Të përgatisë një rishikim të plotë dhe gjithëpërfshirës të legjislacionit në lidhje me kërkimin e kompensimit në rastet e shkaktimit të dëmit. Kjo analizë e politikave do të përfshijë këto elemente:

–  Metodologji e shkurtër për kryerjen e analizës së politikave.

–  Rishikim i legjislacionit kombëtar për të drejtën për të kërkuar kompensim.

–  Krahasim i praktikave të një vendi fqinj dhe një shteti të BE-së në mënyrë që të nxjerrë praktikat më të mira që mund të kontribuojnë në system.

–  Përfshijë rekomandime se si të përmirësohet sistemi.

(2) Përgatitja e një analize për thjeshtimin dhe dixhitalizimin e procedurave administrative. Vlerësimi do të mbështesë Qeverinë që të përgatisë legjislacionin për të shkurtuar procedurat e ofrimit të shërbimeve për qytetarët, për të dixhitalizuar pjesë të procesit dhe për të kuptuar nëse kostot e bëra për qytetarët janë në përputhje me parimin e pagesës së procedurës administrative të përcaktuar me Ligjin për Procedurën e Përgjithshme Administrative (LPPA). Kjo analizë e politikave do të përfshijë këto elemente:

–  Metodologji e shkurtër për kryerjen e analizës.

–  Tre institucione (një ministri, një komunë dhe një organ i pavarur) duhet të përfshihen në analizë.

– Identifikimin e shërbimeve të ofruara nga institucioni përkatës, cilat janë procedurat, kostot, mënyrat e pagesës, shpeshtësia etj. Të gjithë elementët që do të vlerësohen do të duhet të formojnë një standard informacioni që do të zhvillohet si shabllon dhe shërbimet elektronike të identifikuara duhet të ofrohen nga institucioni përkatës dhe nuk duhet të jenë pjesë e portalit e-Kosova.

– Rekomandime për shkurtimin/thjeshtimin e procedurave, dixhitalizimin e pjesëve të caktuara të procedurës ose dixhitalizimin e gjithë procedurës nëse është e mundur.

Kohëzgjatja:

Për detyrën e parë do të angazhohet një hulumtues/e deri në 20 ditë dhe kjo detyrë duhet të dorëzohet deri më 10 prill 2023.

Për detyrën e dytë do të angazhohet një hulumtues/e deri në 36 ditë dhe kjo detyrë duhet të dorëzohet deri më 28 prill 2023.

Kualifikimet

• Të paktën 5 vite përvojë në fushën e reformës/dixhitalizimit të administratës publike si ekspert/e.
• Të dhëna të dëshmuara të analizës së politikave/shkrimit të raporteve.
• Njohuri të thella rreth reformës së administratës publike/ e-qeverisjes në Kosovë.
• Përvojë paraprake me projekte të financuara nga donatorët, e preferueshme me projekte të Komisionit Evropian.

Kriteret e përzgjedhjes:

• CV dhe përvoja të mëparshme të ngjashme (70%).
• Oferta financiare (30%).

Pagesa:

Forma e pagesës do të caktohet në marrëveshje me hulumtuesin/en, pasi të nënshkruhet kontrata.

Mënyra e aplikimit:

Ju lutem dërgoni dokumentet e mëposhtme:

• CV
• Oferta financiare (shuma duke përfshirë tarifën ditore, koston e udhëtimit nëse është e nevojshme dhe shpenzime të tjera siç parashikohen në metodologji).
• Tre referenca kontakti nga punët e mëhershme.

në rekrutimi@dplus-ks.org me titull: Aplikim për Hulumtues/e i/e politikave, Emër dhe Mbiemër, deri me 16 mars 2023, në ora 17:00. Kandidatët e përzgjedhur do të njoftohen me email.

Demokraci Plus është një punëdhënës me mundësi të barabarta, i përkushtuar ndaj diversitetit në vendin e punës dhe të ndërmarr veprime për të mbështetur punësimin e grave dhe anëtarëve të komunitetit jo-shumicë.

D+ do t’i trajtojë të gjitha aplikimit me konfidencialitet të plotë.

Deklaratë mohimi:

Kjo thirrje për punë realizohet me mbështetje financiare të Bashkimit Evropian. Përmbajtja e këtij konkursi është përgjegjësi e vetme e Demokraci Plus (D+) dhe në asnjë mënyrë nuk mund të paraqes pikëpamjet e Bashkimit Evropian. Projekti “Promovimi i procedurave të drejta administrative për qytetarë dhe biznese” i financuar nga BE, zbatohet nga Demokraci Plus (D+).