11.06.2024

Cilat janë sfidat që bizneset në Komunën e Prishtinës hasin në zbatimin e Ligjit për Prokurimin Publik?

Për të diskutuar këtë çështje të rëndësishme, kemi organizuar takim me komunitetin e biznesit. Qëllimi i këtij takimi ishte identifikimi i sfidave dhe problemeve që bizneset përballen gjatë punës së tyre në zbatimin e këtij ligji.

Në këtë diskutim, ndër të tjera u theksua nevoja për rritjen e rolit të Komisionit Rregullativ të Prokurimit Publik në monitorimin e aktiviteteve të prokurimit publik, evitimit të kritereve diskriminuese apo favorizuese të cilat çojnë në kufizim të konkurrencës dhe, përdorimit më efektiv të kriterit ekonomikisht më të favorshëm gjatë dhënies së kontratave publike.

Ky ishte takimi i parë në kuadër të serisë së takimeve që do t’i organizojmë me komunitetin e biznesit në komuna tjera në Kosovë.

Ky aktivitet u realizua në kuadër të projektit “Rritja e transparencës, llogaridhënies dhe efiçiencës në shpenzimin e parasë publike përmes prokurimit publik në Kosovë” i financuar nga Bashkimi Evropian.