Institucionet të mos lidhin kontrata për shërbime të veçanta për detyra të zakonshme të stafit të rregullt

Demokraci Plus (D+) është takuar me përfaqësues të Komisionit Rregullativ të Prokurimit Publik (KRPP), për të diskutuar mbi lidhjen e kontratave për shërbime të veçanta nga institucionet e nivelit lokal dhe qendror.

Në këtë takim është diskutuar se përkundër trajnimeve si dhe monitorimit të KRPP-së, por edhe monitorimit dhe avokimit të D+ në këtë fushë, institucionet vazhdojnë të përdorin në mënyrë të gabuar dispozitat ligjore që rregullojnë kontratat për shërbimet e veçanta. Rasti i fundit i ngritur nga D+ ishte ai i Komunës së Vushtrrisë ku përmes procedurave të prokurimit synohet të angazhohen 40 konsulentë për të kryer punë të zakonshme administrative, me vlerë 591,841.60 euro.

Andaj, në këtë takim është ngritur nevoja që Komisioni Rregullativ i Prokurimit Publik / PPRC të rikujtoj të gjitha institucionet që të mos lidhin kontrata për shërbime të veçanta në rastet kur nuk kemi të bëjmë me specialist/ekspert për një shërbim të veçantë. Kjo sepse disa autoritete kontraktuese janë duke lidhur kontrata për shërbime të veçanta, për detyra të zakonshme të cilat janë përgjegjësi dhe obligim i stafit të rregullt brenda institucionit.

Regimin e plotë mund ta lexoni këtu: https://dplus.org/ne-media/reagim-publik/18450/